所有突發情感會淡化

2:01 pm,

.
昨晚Plan A問我任性緊要還是畢業緊要,
我沒有花0.001秒的時間考慮就答了前者,
是這句讓他心灰了...
.
然後整整一晚, 由心痛喪哭引發的胃痛, 痛到我抽筋,
大概是這種竭斯底里的insanity,
讓我在這個有病的社會裡還能高呼今朝有酒今朝醉, 然後繼續撐下去
.
也許, 不做分數的奴隸, 至少也要畢業,
不情願地打開word檔,
沖了杯咖啡, 加勁多奶...
.
大概是由07年暑假開始,
我超喜歡加勁多奶的咖啡,
.
那時候澳洲正值寒冬, B家裡的電話被roomate霸佔了一整晚,
然後, 他跑到幾條街以外的電話亭, 冒著冷風, 只為了給我打一個電話,
我是真的被感動了, 自此之後, 我愛上了他愛上的latte
其後的事, 我忘記了, 也忘記了那種感覺如何稍迅即逝...
.
所有突發情感會淡化,
寂寞似片飛花, 刻意沉重我便太假,
留下的, 大概只有習慣,
我不知道, 究竟, 是因為我想起B, 才刻意往咖啡裡倒過份多的奶,
還是因為我倒了過份多的奶, 才想起B, 想起那種任性那種浪漫...
.
然後, 我以後會不會每次病,
便想起Plan A的 sanity,
how sad

無題

Zeman 太有才, 否則海洋公園老早瓜柴...
(不過如果唔係有人生日免費入場, 外加一人半價入場, 我應該都唔會去..)
以為自己年輕, 一大清早便去玩了幾個不停把人轉了又轉, 濕了又濕的機動遊戲,
然後, 期待已久的跳樓機還是沒有去玩, 心臟負荷得起, 腦袋不行,
還是留一點遺憾, 讓我有再來海洋公園的藉口 :D
如果海洋公園只有機動遊戲和比街外貴四倍的可樂, 十個Zeman也難救...
海洋公園無可取締的地方, 大概是那份自然保育的心 (先勿論做得成功與否)
那些隨著音樂起舞的水母, 那隻狂吃竹葉的熊貓(真係好似我),
還有那個在水族館裡對住魚群大叫"條魚好新鮮呀!!"的小朋友,
這些片段一一印在腦海, 比摩天輪的幸福和越礦飛車的心跳更浪漫 =]

愛自己, 話知你

施政報告出台, 問我收唔收貨, 我都唔知點答.
我收唔收貨有咩用, 唔通佢會改咩?
響呢個冇民主ge社會, 如果有50萬暴民公開集體話唔收貨,
可能會有少少改善ge希望, well, 改少少咁啦... 唔包改完之後你收貨...
(而響理大呢個一人一票ge假民主學生會, 你唔收貨, 人地都係繼續9 up, 改都廢事改..)
靠政府呢個concept比靠男人更滑稽, 而要改變呢個政府, 比要改變一個男人更加難
接受唔到ge, 改變佢, 改變唔到ge, 儲夠彈藥高非遠走罷啦, 錫住自己, 話知你
**
個Title係Daisy Wong的至理名言, 我由09年開始睇佢寫ge野, 雖然有時有D觀點我唔認同, 但大部份時間我都覺得佢串得起.    

最想要的禮物

上次同莊員一齊揀過莊禮物比上莊, 我一時之間毫無頭緒
Marc問我, 不如諗下自己最想收到乜野禮物
無功不受祿, 禮物, 我向來都唔隨便收 ---- 食物除外
我覺得人地請我食野請得高興, 係分享快樂, 係double joy, 我樂意接受
至於其他, 我一不好手袋二不好手機三不好手錶四不好手藝,
而住ge用ge著ge食ge我自己負擔得起有餘, 我負擔唔起ge, 你都未必送得起  
對於果D隨口就講得出 "你想要咩? 我買比你" ge男人, I actually dont give a shit
所以我真係諗唔到, 唔通送盒朱古力比上莊咩...
然後我好認真地hea答, 最想要時間
當然, 我送唔到呢樣野比我上莊
最後響呀輝組女的inspire下買左一份我覺得都算說得過去ge禮物,
但到而家仲係束之高閣, 未送出
唔, 實有機會ge
**
至於我想要果份禮物呢?
我想要時間, (題外話: 人人生而平等呢句係空話, 但, 你又唔可以話佢假, 因為我數來數去人人日日都係得24個鐘, 夠曬平等啦, 點送時間比你呀小姐?) 我想要有質素ge時間...
可以的話, buy me a sunday