錯愛

這個故事並不很淒美。

愛一個人不用講資格，但吃醋要。

他跟別人可以光明正大放相說笑，
和她在一起的時候，卻秘密得不可以留下證據。

她不高興。

她好想可以好像正常女朋友般撒嬌吃醋放閃，
或者，至少，就當她是個普通朋友也好，
至少，和普通朋友交往，也不會避忌得隻字不提。

更何況他們原本，是好朋友，至少她一直以為是。
但自從那次開始，好朋友的身分沒有了，她只能像隱形人般存在。

他無法理解公開關係的重要性。

他說是因為太愛她。

她卻寧願不愛。

所有突發情感會淡化

2:01 pm,

.
昨晚Plan A問我任性緊要還是畢業緊要,
我沒有花0.001秒的時間考慮就答了前者,
是這句讓他心灰了...
.
然後整整一晚, 由心痛喪哭引發的胃痛, 痛到我抽筋,
大概是這種竭斯底里的insanity,
讓我在這個有病的社會裡還能高呼今朝有酒今朝醉, 然後繼續撐下去
.
也許, 不做分數的奴隸, 至少也要畢業,
不情願地打開word檔,
沖了杯咖啡, 加勁多奶...
.
大概是由07年暑假開始,
我超喜歡加勁多奶的咖啡,
.
那時候澳洲正值寒冬, B家裡的電話被roomate霸佔了一整晚,
然後, 他跑到幾條街以外的電話亭, 冒著冷風, 只為了給我打一個電話,
我是真的被感動了, 自此之後, 我愛上了他愛上的latte
其後的事, 我忘記了, 也忘記了那種感覺如何稍迅即逝...
.
所有突發情感會淡化,
寂寞似片飛花, 刻意沉重我便太假,
留下的, 大概只有習慣,
我不知道, 究竟, 是因為我想起B, 才刻意往咖啡裡倒過份多的奶,
還是因為我倒了過份多的奶, 才想起B, 想起那種任性那種浪漫...
.
然後, 我以後會不會每次病,
便想起Plan A的 sanity,
how sad

無題

Zeman 太有才, 否則海洋公園老早瓜柴...
(不過如果唔係有人生日免費入場, 外加一人半價入場, 我應該都唔會去..)
以為自己年輕, 一大清早便去玩了幾個不停把人轉了又轉, 濕了又濕的機動遊戲,
然後, 期待已久的跳樓機還是沒有去玩, 心臟負荷得起, 腦袋不行,
還是留一點遺憾, 讓我有再來海洋公園的藉口 :D
如果海洋公園只有機動遊戲和比街外貴四倍的可樂, 十個Zeman也難救...
海洋公園無可取締的地方, 大概是那份自然保育的心 (先勿論做得成功與否)
那些隨著音樂起舞的水母, 那隻狂吃竹葉的熊貓(真係好似我),
還有那個在水族館裡對住魚群大叫"條魚好新鮮呀!!"的小朋友,
這些片段一一印在腦海, 比摩天輪的幸福和越礦飛車的心跳更浪漫 =]

懷念青春

可不可以現在開始叫時間放慢，
青春是女人最美的本錢。

可以不施脂粉，
可以任意挑選最愛的男生，
可以徹夜不眠、任性、浪漫、性感、嫵媚、放蕩。

看自己的風景

我總覺得
女孩子是應該被珍惜的

我知道
你喜歡一個人的時候可以數出他的千百萬樣優點

只是

如果他總為別人撐傘
不要為他等在雨中...

他要是喜歡你的話
自然會追你

不喜歡的話
你滿身泥濘跪在他面前也只會是徒然

走你自己的路 看自己的風景

世界 很大

這種刺蝟

當兩隻刺蝟ge距離太近ge時候 會刺痛對方
而如果係兩個人 就會更痛

所以解釋左點解全球情侶永遠響互相試探ge時候
都係最開心ge

而一旦擦出左火花
就會開始有期望 有要求
開始要對方時刻報到
唔比對方同任何異性接觸
永遠過份敏感
同埋 將自己ge地位放得太大

感情因而開始直線衰弱
最後 一切化作烏有

然後 又再唔小心 亂咁牽手


惡性循環


**

任何吸取過教訓ge人都應該知道
拍拖可以分手 結婚可以離婚

點解 唔索性 不求名份 但求開心?

黑咖啡 vs latte

新年難得ge四日假期完左

原來
只要比得起屋租
我係絕對有能耐一個人住的
而且　好享受

由細到大
我都唔係一個依賴ge人
不過有好多時候我都寧願有得依賴
因為　幸福係一件好事

但係
好似我呢種患上嚴重自虐症ge人
一旦比我遇到幸福
我又會不自覺地抗拒

就好似比我遇到raymond呢個超級錫我又前途無限ge人ge時候
我就硬係要挑剔佢不黯世事

"正面" d講係矛盾
"正確" d講係精神分裂

然後
為左解釋我呢種諗法
我睇左唔少書

其中一本話呢種諗法係大多數 2x 歲ge女仔都會經歷ge
之後又灌輸左唔少 "正確" 價值觀比我

例如:
其實幸福　係一件好事

之後我又諗到...
其實唔一定要黑咖啡　先係好咖啡


um...
一個可以嘆住latte返工ge記者
其實好唔錯


幾時結婚? (笑")

欲望無限 福氣有限

興之所致
search了一位朋友的blog

原來
他為她做過許多讓其他女孩子妒忌的事

難怪
他總是感性地 憑歌寄意

畢竟 也三年了

然後我在想

如果 不浪漫是一項罪名
那為什麼 懂得浪漫的人 也要被撇

也許 不是感情變了
只是 人長大了

使得那些從前認為浪漫感動的事情
都變成了回憶 -- 那些 "現在做甚麼也不比以前好" 的回憶


"" 擦光所有火柴難令氣氛像從前閃耀 ...
就當普天之下情人節只得　數秒 ""

sadly true...

the secret

before

after

**

其實~ 我都幾易滿足 =v=

比陌生更陌生

兩個曾經相愛的人
分開以後　兜轉經年
又再在同一個圈子重遇
卻比陌生更陌生

兩個陌生人在共同朋友面前
出於禮貌　都會與對方打個招呼

但我們卻因愛不遂
連這點基本的禮貌也失去

昨晚離開校園時
又再與他迎面相遇
我想　要是我主動跟他say hi
他會有甚麼反應
是錯愕　還是高興

畢竟　事隔三年
也再沒有甚麼不可放下

但最後
我還是快步地走了

快得連Dennis也被迅速略過 :'(

沒有甚麼是永恆的

上一篇說　
有些東西是永恆的


但有時候
我會相信一切有盡頭
沒有甚麼可以永垂不朽 ...


不過　
永恆與否其實並沒有我們想像得如此重要
即使緣份沒有盡頭　生命還是有盡頭
在有生之年　在緣盡之前
好好珍惜　不是已經足夠麼?



由方大同重新演繹王菲的 <紅豆>


還沒好好的感受　雪花綻放的氣候
我們一起顫抖　會更明白　什麽是溫柔
還沒跟你牽著手　走過荒蕪的沙丘
可能從此以後　學會珍惜　天長和地久

有時候　有時候
我會相信一切有盡頭
相聚離開　都有時候
沒有什麽會永垂不朽

可是我　有時候
寧願選擇留戀不放手
等到風景都看透
也許你會陪我看細水長流

還沒為你把紅豆　熬成纏綿的傷口
然後一起分享　會更明白　相思的哀愁
還沒好好的感受　醒著親吻的溫柔
可能在我左右　你才追求　孤獨的自由

有時候　有時候
我會相信一切有盡頭
相聚離開　都有時候
沒有什麽會永垂不朽

可是我　有時候
寧願選擇留戀不放手
等到風景都看透　
也許你會陪我看細水長流

Quote

From Mondy：

曾經有人說平行線最可怕，因為它們永無交集
可是我認為最可怕的卻是 相交線——
明明他們有過交集
卻總會在以後某個時刻相互遠離而且 越走越遠...

─from dragon.


**


我記得中六時曾經補過 Ken Chan -
冇錯~ 係physics... = =
果時佢教緊 wave ...

話兩條wave迎面撞過之後~
會產生 xxxx (我唔記得左個名 -.- 你地話返比我知)

意思即係會有高潮之類咁啦... 即係個 wavelength 定唔知咩會高左 -.-
(拿~ 抵我 drop physics... 連名都唔記得)

但係相遇過之後就會變返平靜~
大家各自向相返方向繼續行~ 互不影響


果時聽完之後好有感觸
就好似 mondy 個 quote 一樣




命運暫且的交錯
在最後　都化作烏有
但那刻曾實在華麗地邂逅


早發生過　不阻你繼續走

無題

我鐘意Momo果句 - 吃不到的葡萄是酸的，溝不到的女是港的

GOODs * 10000



btw. 我唔太鐘意唔留名ge留言

**







因為愛　所以愛
感情不必拿來慷慨
誰也不用給我　一個美好時代
我要你現在


謝霆鋒好型

麵包

尋晚同好朋友講開搵老公ge問題
(我唔急~ 佢急~ 佢話好仔通常會響大學比人mark曬)
我講笑叫佢mark個醫生襯返自己~

佢話 "感覺" 依然係最重要~
但係多左樣條件~
就係一定要大學生~ 同埋起薪要10k同有得升

佢咁講~ 可能又會比d冇條件ge人鬧佢港女
但係我係覺得完全冇問題ge -.-



我另一個好朋友話~
佢細個諗住嫁個廚師~ 因為佢好鐘意食野~
但大個左~ 諗通左~ 嫁個有錢人想食乜都得啦~


然後我好認真咁諗~ 我都21歲la~
學bestain話齋~ 唔可以再咁任性~ 唔好做錯決定

我將來究竟想要咩生活

咖啡因的錯

05:28


我喜歡外加比例多得不協調的鮮牛奶 - 不要三花淡奶或咖啡伴侶甚麼的
還有兩包太古咖啡糖


生活沒有必要像黑咖啡般苦澀





天亮了
我要找的長效安眠藥
還沒找到


再找安眠藥有罪　再不肯睡我不對
這麼偉大 ... 呼~


落去晨運都唔錯

懷舊

由於買禮物同埋請食飯一定會比呀媽話曬錢
於是我就比利是佢算~
同埋親自下廚~

總覺得節日先來做呢d野太造作
不過點都好啦~ 佢開心就得

**


呢兩日係度睇舊網絡文章~ 聽舊歌
呢d所謂ge "舊" ~ 其實只係指 5-10 年前


果時細個
有人話好憎人成日話 "自己果時細個" ~ 因為只係幾年前
但我覺得成長 ge 速度同年齡唔係成 1:1 ge比例

果時細個~
只係覺得d文章同歌詞好似好到肉
到而家~ 可以將自己ge感受代入去~
我就覺得佢地真係好到肉

但係
同樣係大學生
點解身邊冇人寫得出當年果 d 網絡文章ge味道?

同樣係林夕
點解佢 ge 詞好似突然之間變得冇咁林夕?


唔係我身邊ge人唔夠當年ge大學生勁
亦都唔係林夕退步左


可能係
時代 ge 更替
令人ge情感　變得 "即食" 左


我諗~
再冇人肉麻到寫得出 "太愛以前的印象"

因為驚比人笑

華麗裝飾

然後我發覺，有過的「愛」，
不外是年輕時代的華麗裝飾，可有可無的算不得甚麼。

我還是期待的
只是最愛往往都需要細火慢烤

hmm

熱度

我隻小酸子依然好幸福~
只係　我理少左佢

寵物冇性　
只要佢仲住得好食得好　就冇問題

但係人唔同　
唔係所有野都可以用物質解決

睇來　我唔適合做人呀媽 ...
十年後唔知　至少十年內都唔適合住

**


長痛不如短痛
如果因為唔忍心去傷一個人(或者係唔想冇左個關心自己ge人)而拖住佢
到頭來　盞一獲泡...


不忍放下　誰可找到更合適伴侶

讀書人．人來人往

今日問呀chung借左本初級日文書來睇
難到嘔 -.- 即刻冇興趣



**

如果唔係今日多口問隔離同學本書響邊度買
我都唔知旺角有間 "序言書室"
仲話自己係讀書人　

聽日放學要等學法文~ 大把時間
去睇下先~


**


快不快樂有天總過去...


勉強娛樂

棄

曾雙雙起跑但棄於半路中途
見證了這戀愛欠深度 ...