不一樣的眼界

我鐘意呀聰果句：純粹以時間換錢
(但係如果純粹為賺錢而賺錢的話~ 同樣 ge 時間我會想換更加多ge錢)


**


我只係覺得
一個讀完form 5出來ge人會比同年紀但讀完大學先出來ge人識得更多人情世故同遊戲規則
而一個大學生就會有相對高ge學歷同眼界 (後者係suppose to have)

但係我兩樣都要

迷失

我有d後悔點解細個唔立志做醫生律師然後搏命讀書
亦有d後悔點解明知自己唔係讀書ge材料都唔改造自己做MK妹 -.-
(而家兩樣都做唔到啦 = = !!!)


唔想再頹


法文開始越來越難　三季已經要學到去小四英文ge程度 -.-
今次考試要作文~ 淨係present tense都已經係英文ge八倍 (份量)
仲要學埋past tense = =
fail就冇得報 level 4 ...

我決定今個summer唔返 part time
全職溫好 d 法文同練下體能
因為我真係好想好想　可以做駐外記者

社民連

Dr Chan 上堂一句 ：
社民連ge擁 "等" 多數都係一d低下階層 ge 人
接受過高等教育 ge 中產或者知識份子通常會不屑佢地呢種做 show 行為
如果佢地去港島參選一定唔會當選

唔知會得罪幾多人 ...


我身邊有唔少大學生舊年都有份投佢地票
而有d住港島區ge朋友都話想睇下佢地入左立法會之後會有咩玩

我想反駁 Dr Chan 唔係想幫社民連申冤~
話有唔少 "知識份子"都會支持佢地

我想反駁ge係
有唔少接受過高等教育 ge 人
其實都只係想睇show湊熱鬧之輩 ...



Dr Chan ge言論如果流入低下階層 ge 耳仔可能會得罪好多人
而我 ge 言論唔知又會得罪幾多受過高等教育而冇分析能力 ge 大學生呢?


我唔會質疑社民連三子為民請命 ge 熱誠
我唔同意佢地ge表達方式亦唔代表我唔支持民主


但我心入面最想問 ge 係：
投佢地票ge大學生~
你地有幾清楚佢地ge 政綱 ? (或者根本係冇)
你地究竟係真係關心生果金係 一千定六百ㄚ?
定還是係關心佢地三個下期又有d乜野過火舉動可以娛樂大家?!

你們suppose not to be "poor guys"
如果純為娛樂而投票~ 會否有點兒 "不該" ?!

望穿秋水

終於睇完一本書...(total睇左四個鐘左右~ 但分開左好多日來睇...)
呢排做野心不在焉~ 冇乜心機睇書
個人認為張系國 ge <<棋王>>好睇過阿城 ge <<棋王>>

**

test/present科科都係 B+
唔係分 ge 問題~
係因為覺得自己好唔理智　唔識分輕重

mass media係冇溫書
中文係溫到三點都唔識~ 好似pure maths咁open book都唔識
數學係衰自大
普通話人地要求高少少.. 我根本就廢
至於英文~ 我連上堂都冇心機


我讀乜野書
每日返學都係度諗其他野


如果真係咁重要
Just go and get it

但我做乜仲要響度望穿秋水?


**

今日喷火又發癲..
係咁係度尖叫："你係咪想溝人" (電話對方)
好彩我係打緊比歐家南~
如果係第二個真係會超尷尬

(真係想溝ge就唔會同佢補緊習果時打過去啦 =.= 明知佢喪ge)

同埋
我始終覺得　女仔唔應該溝仔　
如果真係男女平等　就唔洗煩

態度傲慢的人才

陶傑觸怒菲律賓遭禁止入境 作家陶傑撰文形容菲律賓是「僕人國家」，引來菲國朝野炮轟後，菲國政府宣布禁止他入境，陶傑則作出道歉。 菲律賓入境部門今天發出聲明，指摘曹捷（陶傑原名）「態度傲慢、不尊重菲律賓及菲律賓人民」，決定將他列入「不受歡迎外國人黑名單」，「以表達我們對曹先生種族藐視和侮辱菲律賓人的不滿」。

我幾時都覺得一個真正叻 ge 人係唔會串的
有一次響論壇度post過呢一句~
即刻比人質問我陶傑算唔算叻

我到而家都會堅持答一句：佢有才能~ 但唔叻

所以　
我唔鐘意大部分ge BBA學生 (唔係所有)
佢地都有一個共通點
就係太不可一世
which i dont give a damn to

大智若愚、虛懷若谷

屋企新成員 ---- 小酸子

冇錯~
我買左隻蒼鼠~

買果時佢訓緊教~ 唔郁~
佢d fd都比人買曬~ 賣剩佢一隻~
我仲擔心佢病~ 所以冇人鐘意~

但係就係因為佢咁可憐我就更想收留佢

點知原來佢訓醒左超活躍~ 係咁跑步同 sir滑梯~ !!!

佢叫小酸子

我隻小酸子跟著我真係好幸福~
食貴價海鮮鼠糧~
住復式大露台豪宅~
用薰衣草沖涼粉~
香蕉磨牙石~
木制玩具~


我一定會超錫佢!!!
我會響 blog 幫佢開個新故事分類 ---- 關於寵物
(我成日比人話 facebook冇相~ 冇計la~ 我唔係港女呀ma~)
遲d facebook 會有好多相la~ haha

笨手笨腳

新日記一歲生日~
舊年今日我post左 <<兩場公開試　老盡了我的心>> ..
今年~ 要 retake ge 朋友加油 ...
尤其係 Gary ... I'm always praying for you.

**

我已經唔只一次 "響公眾地方公然成個人仆低" (呢個星期已經兩次)
今日~ 又仆多次 = =
都未夠... 衝入地鐵果時仲要比四道門夾扁　－．－


我平時都唔會追地鐵的~ 返正一兩分鐘一班 ...
今日真係好樣衰 ...

仲要比個同學話：你(咁論盡)點做記者呀? = =

好痛呀 T_T

開心

RTHK打左比我話會安排 interview 比我 !!!

我今日 miss 左三次 call
佢竟然肯打第四次來~
我好感動 T_T""


開心到跳起

Free Press ?

城大學生會印六四特刊遇阻 評議會指影響校譽 派發會惹混亂 【明報專訊】六四事件踏入20周年，城大學生會編輯委員會打算出版六四特刊，於六四燭光晚會派發，但疑遭負責監察學生會的評議會以「派發特刊敏感，擔心引起混亂、特刊影響城大校譽」等理由反對，更涉向編委會「閂水喉」，擬不通過其財政預算。城大編委會最快今日與其他大學聯署反擊，將聲明貼上大學民主牆，向評議會施壓。城大編委會和評議會均拒絕回應事件。

津國第一夫人免遭起訴 被毆記者：港府蒙羞 律政司聲明指有外交豁免權 【明報專訊】津巴布韋第一夫人格雷絲（Grace Mugabe），兩個月前於香港當街打傷拍攝她的英國記者，雖然香港警方掌握足夠證據可以將她送上法庭，但律政司昨發表聲明，因格雷絲有外交豁免權和不受刑事檢控的特權，決定不予以起訴。被打英國記者聲稱決定「令港府蒙羞」。 今年1月懷疑被格雷絲打傷的英國《星期日泰晤士時報》攝影記者瓊斯（Richard Jones），得悉格雷絲享有外交豁免權後說：「我感到非常失望，但不感到意外。」他聲稱﹕「香港政府容許一個人在街上毆打新聞從業員後不用負責，這實在教港府蒙羞。再者，這是一個新聞自由傳統根深柢固的城市。」

突然諗起九七年

所有報紙頭條都報導d人點樣熱烈慶祝香港回歸

蘋果日報就只係用左一個 banner heading：
<<香港人信有明天>>



如果香港仲有自由...
如果香港人仲關注自由...

**

尋晚同一個讀緊journalism ge朋友傾計

佢係想做政治新聞的
我問佢會唔會做做下記者去左做政客~

佢話：
現在會很怕幹了很多年記者都無法達成目標
有時要站在自己的角度去想，究竟傳媒是否真的可以幫你達成夢想

"..回憶這理想不夠理想
沿途逛世間一趟只有向上

關注遠方得到讚賞
但是我哭以巴開火很牽強.." (披星戴月　張敬軒)


好多時我都會失落　會灰
因為傳媒並不能夠幫我去實現d咩偉大理想
咩平反六四　咩反對以色列"合理"暴力行為


或者我堅持ge理由係膚淺得　"只為想知天下事　只為逛世界"

就算唔報得　起碼自己都會知...
起碼自己係真真確確深入咁去知

60樣香港人兒時做過既無聊野

60樣香港人兒時做過既無聊野

[x]1.玩米缸，將手插入米缸裡面既米裡面篤下篤下。
[x]2.在百貨公司入面篤扶手電梯旁的吊牌。
[x]3.地下有階磚時，特登隔一格一格黎行(不可踩界，要完全在格內)。
[X]4.用錶面反射陽光，照黎照去。
[x]5.跳樓梯(愈多級愈勁)。
[x]6.行路上高起左地方(例如高起左既長條型石博，好似玩平衡木咁行法)。
[x]7.鋪張紙在硬幣上面，然後用鉛筆係上面油，油返個形出黎。
[x]8.食完瑞士糖之後，將糖紙包番個原本四四方方果個形出黎。
[x]9.超級市場踩住架購物車黎行。
[ ]10.踩水tum，係好特登果隻。
[x]11.吹口水波。
[x]12.搣牆上的乳膠漆或牆紙。
[x]13.係平滑既地面上面冼下冼下咁行。
[ ]14.整濕ｄ紙巾，掟上學校廁所天花頂。
[x]15.食完綠箭香口膠，一定摺返成張包裝紙，再放返入個大套入面。
[x]16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個 時飛出黎，睇下個粉刷中邊個。
[x]17.放膠袋(當風爭甘放)。
[ ]18.去後梯執咸書睇，張睇完的咸書撕開飄落街。
[x]19.貼張龜仔紙嚮同學背背脊果度。
[x]20.踩人地個影。
[ ]21.狂踩人地對白飯魚，尤其是大肥仔果o的。
[x]22.用幾條橡筋射同學。
[ ]23.掉人地門口的拖鞋落街。
[ ]24.蚊消防喉，射水落下面個球場，睇下射到幾遠。
[X]25.擲水彈。
[ ]26.用氣鎗射街上的途人。
[ ]27.玩千揪，fing到咁上下就飛出去鬥遠。
[ ]28.落樓梯時坐係的扶手上面sir落黎。
[x]29.在自動梯行相反方向。
[ ]30.把誤投信件或沒有用的宣傳單張，胡亂放入其他的住宅信箱
[ ]31.坐地鐵時，抓緊中間的扶手，地鐵一開動博命繞住轉(自轉)。
[ ]32.在月台上鬥快跑。
[x]33.帶玩具返學。
[x]34.用圖釘弄穿學校壁佈板。
[ ]35.亂按人家的門鐘，然後鬆人。
[ ]36.明知過了三歲，仍然不買票，捐地鐵的入/出閘機。
[ ]37.用改錯水(很舊的有一個掃那種)附送的天拿水，搽在手上。
[ ]38.在井字型公屋中間的大天井中放紙飛機，或者放紙青蜒，看看誰放的紙青蜒最慢由廿幾樓落到地面。
[ ]39.煲蠟。
[ ]40.把汽水罐靜雞雞放在校車的車輪下攝住，開車時把它壓扁。
[x]41.用螢光筆油指甲。
[x]42.向學校d木台上面畫公仔。
[ ]43.用電筒／雷射筆射落街或者照住d路人。
[X]44.搣碎d紙巾，然後拋出窗。
[x]45.巴士一開車，就同佢鬥快跑（最終當然唔夠快啦）。
[x]46.落雨擔遮，懶係型咁轉把遮。
[x]47.見倒d矮過自己既人行緊過黎，會好自然/gut高d行。
[x]48.將擦膠碎「初」成一粒黑色物體。
[ ]49.玩冒險樂園o的遊戲（例如籃球或保齡球），企o係最高或企o係跑道o既最尾玩。
[ ]50.地鐵出閘果時「捐」過閘口，拎走張地鐵飛當地圖。[x]51.屋企冇人果時，對住塊鏡學人跳舞／做戲／唱歌。
[x]52. 同細路爭一d無聊野，例如「美少女戰士角色︰sailor moon係我既, 火野麗係你既」或「四大天王，黎明係我既，所以你唔准鍾意黎明，你鐘意郭富城啦」。
[ ]53.玩廁所水。
[ ]54.去到公園，係咁撕百千層d樹皮落黎。
[x]55.慢慢行近麻雀到，企圖捉住佢地。
[x]56.係街見到狗就扮貓叫，見到貓就扮狗吠。
[ ]57.趴o係地上扮死，想嚇阿媽阿爸。
[x]58.畫花報紙或書上既畫，為人物加牛角或者胭脂等等。
[ ]59.拎d元寶當船放o係水上玩或者拋落街
[ ] 60.用條繩吊d野到落去住下面o個戶人既窗前，然後fing來fing去，引人注意。


34/60

我係咪港女?

我係咪港女?

金錢名牌篇

[ ] 人地唔送貴野等於冇誠意 (我覺得唔主動搵我先係冇誠意)
[x] 有時會將金錢花費於不必要物品（如可愛扭蛋，毛公仔）
[ ] 買野最好男友俾錢，男友請食飯天經地義
[ ] 試過為幾十蚊、甚至兩三蚊而爭執
[ ] 同樣價錢既手袋，只會揀名牌
[ ] 件衫着一兩次就唔要，名牌則相反

total: 1/6


夢想篇

[x] 時常覺得街上有男人注視我
[ ] 覺得自己不乏追求者 (而家冇 -.- 真係冇~比我趕走曬)
[ ] 曾幻想自己貌似某明星
[ ] 喜歡閱讀愛情小說，並幻想自己是受萬千寵愛的女主角
[x] 不時幻想嫁個有錢人，唔使做有人養
[ ] 成日幻想同醫生或律師一齊

total: 2/6


外觀篇

[ ] 髮型以齊陰為主
[ ] 花很多時間及金錢於打扮，但效果不顯著
[ ] 全身上下起碼幾千（包括衫，鞋，飾物)
[ ] 崇尚西方國家，唔係外國野唔買
[ ] 愛買化妝品，出街化濃妝
[x] 覺得自己衣着一定好過大陸同胞

total: 1/6


性格篇

[ ] 喜歡裝可愛
[ ] 人地講咩都信，毫無判斷力 (我成日比d學生厄 = =呢個唔算)
[ ] 我承認自己功利庸俗
[ ] 我貪慕虛榮
[ ] 我口頭話唔中意港男，實際上係因為溝唔到
[x] 我咩都要男人就哂我 (只限男朋友)
[ ] 我覺得發姣可以吸引異性
[x] 扮可愛，行為幼稚、如同小學生 (拍拖果時會~ 而家唔會lu)
[ ] 成日溝仔，人地唔受就扮可憐、扮失戀，甚至揚言要自殺
[ ] 自己永遠是對的

total: 2/10


生活篇

[ ] 愛睇壹週忽週或MILK，對娛樂新聞比時事經濟更清楚掌握
[ ] 迷信星座，報紙只會睇每日星座運情
[ ] 喜歡把自拍相放上網讓人瀏覽
[ ] 成日上交友網或流連酒吧結識異性
[ ] 只行Shopping Mall，謝絕郊遊
[ ] 能夠運用感性的火星文字句
[ ] 喜歡講是非或跟三五知己分享別人的迭事趣談
[ ] 鍾意Hello Kitty，並批評喜歡日本動漫的香港男性為毒男
[x] 除咗開IE上網對電腦不甚了解 (呢個都算港女我冇野講 = =)
[ ] 經常打人，男人還手就話蝦女仔
[x] 男女平等之餘，男人要講風度
[x] 男人不少得要擔擔抬抬

total: 3/10


戀愛篇

[ ] 望男朋友咩都識
[ ] 錯事責任歸咎於男友身上
[ ] 任何事亦以分手作要脅
[ ] 同男人一齊第一件事係幫佢「保管」存摺
[x] 試過飛左男友後又搵返個人話自己寂寞，冇人理 (咁分左手實會搵人傾 ... 傾傾下d人要追我係佢地ge事 -.- 受唔受係另一回事)
[x] 經常性發脾氣
[x] 一日男友冇打電話黎，就覺得佢有外遇 (24小時咁耐wor = =!!! 四個鐘都唔得 -.-)
[ ] 網上分享和男友既野，冇D私隱
[ ] 一邊話男友花心，一邊走去溝仔
[ ] 唔比男友睇靚女，自己迷戀男明星

total: 3/10

Result: 1+2+1+2+3+3/50 *100% = 24%

棄

曾雙雙起跑但棄於半路中途
見證了這戀愛欠深度 ...

港女．電車男

星期日檔案連續兩個星期講香港ge男女相處問題

男人話女人 "港女"
女人話男人 "電車男"


如果淨係睇呢兩集ge內容來計~
咁我就覺得
對電車男ge指控合理d =.=


首先~
我覺得 "港女" 要求一個能力比自己高 ge 男朋友好合理
你地d男人既然又要尊嚴又要面~ 咁唔通要女人養返你轉頭?
如果男人唔可以承擔 ge 話~ 佢冇資格做男人 (陶傑咁講~)

然後
"港女" 貪靚都係為左提高自己 ge 競爭力 je~ (鬼叫好男人供不應求)
咁男人係視覺主導動物有邊個夠膽唔認先 ?!
asume所有其他條件感覺一樣~ 你都會要個靚女啦下嘛?

跟住
唔通 "電車男" 不擅溝通 + 唔上進
( 讀書唔成又唔進修又唔係努力返工而係係度打機同睇漫畫)
都算係 "情有可原" ?

如果係ge話~ 唔該比d理據來拗下都好呀~
小新都話講電車男果集辯論成份少好多la~
因為要辯論要有 point 呀 ma
眼見陶傑同梁榮忠都唔幫佢地拗就知 "電車男" 唔抵幫 la



最後
其實互相指控都唔係辦法

物競天擇

係香港搵唔到另一半
咪去第度搵囉

如果 "港女" ge交際能力真係叻到可以跨過文化差異搵個鬼仔
而北方佳麗又真係溫柔到唔會嫌電車男冇料到 ge

咁都好 perfect 呀~ 唔係咩 ?

(我身邊好多女仔朋友都係同鬼仔/ABC/BBC拍拖~ 而男仔朋友全部都唔係電車男)

星期日

我一向都堅持星期日放假
但係三月似乎唔得
星期六用曬去 mid term ...
平日又唔想晚晚十點先返屋企
所以就將d補習搬去星期日

因為連續成個月星期六都要 mid term
有一半法文堂被強行騎劫
真係勁唔開心
呢個term d野完全跟唔到


好炆好煩
來緊又要報 level 3
歐家南已經報左
我仲諗緊自己跟唔跟到
但其實跟唔到係因為走得太多堂
如果 level 3 報星期五晚應該會好d ...


level 3 就有 test...
唔past就唔可以讀上去
勁驚自己曬錢曬時間 ...


**


下晝細佬補習果時我係度溫法文
我細佬出奇地認真
不枉我花錢請個名師返來教佢 =v=

但係我溫書就查字典查到炆
點解英文易咁多 =.=


查查下字典我變左睇書
呢排忙到冇時間睇書
好彩聽日有day off~ =]]

給二十一歲的我

今年提早收到一份生日禮物~
係一封信來


ACID：

我是三十歲的Acid，也就是九年後的你，希望這封信能趕在你二十一歲生日前送到你的手上。我知道你看了螞蟻師兄給十五歲的他寫了一封信，你很希望三十歲的你也能給你一些意見，所以便在百忙中抽空寫下此信，但願以下命令式的忠告不會讓你反感。我相信如果你能在二十一歲時便了解到這些道理，你的未來會更美好。

首先，無論你多忙也好，請多一點兒回家吃晚飯，並對家人再好一些，因為當你長大你會發覺家庭很重要。然後，請珍惜你的朋友。投身社會後你會了解到識於微時的朋友很珍貴，不要因為小事而生他們的氣。如果他們有需要，請盡力幫他們；即使幫不上忙，也請你支持他們。

請你好好利用在大學學習的時間，多一點兒到大學圖書館去，不要參與是非討論。相信我，語文系畢業生在新聞界的發展不比新聞系畢業生差，請對自己的學校有歸屬感。在三年級時不要到英國留學，你會為了維持基本生活而浪費青春。一個連衣食都要擔心的人根本不能體驗生活。千萬不要用向政府借來的學費投資， 雖然我知道當年城中熱話是匯豐股價和樓價都很吸引，但腳踏實地、畢業後還清學費再投資的話，你會賺得更多。

請你堅持當記者的理想，這個行業不能讓你發達，但你並不需要發達。香港的新聞記者不專業， 你沒有能力去改變這個制度，但請你不要灰心，時代雜誌沒有你想像般高不可攀。請好好繼續學習法語，雖然你的時間不多， 而且這門語文很冷門，但它會為你帶來被派駐歐洲的機會。有多餘能力的話請去學西班牙語和日語，因為它們也很實用。當然你要先確保你的英語和國語有native manner，我知道這並不容易，但請你再用功一些。

記住，男人說女人的外貌不重要是騙人的。相信我，抽除眼袋會為你帶來更多機會，但除此之外不要去減肥或整容，你並不需要。請你好好打扮自己，但謹記品牌不等於品味。除非你當上新聞主播，否則不要經常化濃妝。

請你培養出只讓好男人追求的氣質，寧缺勿濫。如果那些看不過眼的人說你要求高是 "港女" 的表現，便由得他們，自己的幸福不需要別人去批判。

最後，在二十八歲前，或在你還沒有充分了解自己以及這個世界前(以較遲者為準)，不要結婚。



祝
一切安好


三十歲的Acid

P.S. 但願你能用一雙腿遊遍這地球的 2%。

SMS

我唔明點解咁多情侶會話對方 "死蠢" "樣衰" "野蠻" 同 "冇腦"

然後我問d人：點解你男/女朋友咁多缺點你都仲鐘意佢 ?
佢地就不約而同~ 好 "偉大" 咁話：愛唔需要原因 ................


我最憎


**


以前我會keep SMS ...
因為我覺得係一種回憶

留唔住情感　都可以留低情節

但係後來我發覺
回憶應該係放響心入面~ 而唔係放響張SIM card度

因為　人會將過去ge感情美化
時間耐左　留響心入面ge就只剩低最好果一部份

既然係咁
點解仲要用一d實在ge證據去見證唔開心ge另一部份?


血流成河不等於肝腸寸斷
證據確鑿不等於刻骨銘心 ...



如果係咁
我打blog來做乜 ?!

自我審查

我想將我 d post同更加多未識我 ge 人分享
所以我決定將呢度d notes import去 facebook
( um.. 咁點解唔直接 post條 link去 profile = =?)


但係響 click "confirm" 之前我猶豫左一下
之後就 "自我審查" ...


因為來呢度睇我打blog ge都係識左我好耐 ge 朋友
所以我可以想講乜就打乜

不過 facebook 就好恐怖 ...
我一方面想其他人認識我多d
另一方面又怕唔識我ge人理解錯我ge諗法....

所以就抽起左幾篇 post ...
心情有d矛盾
好似同我一貫ge作風唔同咁


但係~
"記者" 都係要咁架 la~
有時唔係想報 d乜就可以報乜 ..
所以都應該要習慣下 =.=

(其實好灰)

習慣

由細到大~
鐘意過ge飲品最多都只可以維持一個時段 (我認我花心)

細個冇得揀~
屋企永遠都係得維他奶同呀媽飲ge咖啡
(我五歲就因為偷飲咖啡流鼻血)

跟住之後就鐘意過麥精同朱古力奶
F4開始好鐘意canteen ge維他檸檬茶
(唔知點解~ 雖然係pre-packed~ 但canteen果d特別d)

維他陪伴我成長 -.-

之後都有嘗試唔同種類ge野~
例如清心棧系列~ 檸蜜~ 唔同種類ge酒 etc

到近排我突然覺得以前從來唔飲ge奶茶其實好好味


原來~ 細個選擇少ge時候
鐘意ge野可以維持好耐
到大個左~ 條件容許我有好多選擇ge時候
鐘意ge野可以一兩個月就變...

(對人　係咪都係一樣 ...)

不過~ 試過曬唔同ge飲品後
我發覺~ 我最鐘意ge~
都係長期陪住我~
可以容忍我有咁多 "外遇" ge咖啡

(我諗如果咖啡有感覺~ 大概都唔會忍我)


**


我分唔清

究竟

係突然之間諗起 B
於是沖左杯奶啡 ...

定還是係

沖左杯奶啡
於是諗起 B ...





當情感逝去

留低 ge 就只有習慣


咁究竟
我係真係鐘意飲勁多奶 ge 咖啡
定係我只係習慣左呢?

開心

信任來得不易


多謝你地 =]


真係開心

死唔去ge -.-

有d唔開心



呢個世界冇咩付出係可以唔計條件





----------我係分隔線----------





今日gary送我返學





返學果時撞到 Gel ~

教佢中文





撞到小燕同 eric sir

Get in lane, keep in lane

Get in lane, keep in lane


成日搭車都會見到呢兩個指示牌
中文係　選定行車線 / 不準換線

*

尋日睇Marley & Me
隻狗整到我喊 -.-
(事實上我睇親貓貓狗狗都喊~ 包括加菲同叮噹)

不過我今次想講個男主角

佢一直都好想做記者
但係偏偏佢寫專欄可以令到份報紙好賣得
於是比人調去做專欄

佢一直都好羨慕佢個同事
每次見到佢同事寫ge頭條報導佢個心都好唔舒服

終於有一次佢轉左去間大報館做記者
但係佢發現其實自己寫野係好有個人風格
佢ge才華係適合做專欄多過做記者

*

當我地 "get in lane" ge時候
其實往往係按照自己想像中ge野去做決定

我從來都未做過記者
(明報校園週刊都未做過~ 學校校報果d唔算la~)
又點知道自己真係鐘意做同做得來呢?


不過有好多野唔試過真係唔會甘心

同埋　
唔一定要咁早 keep in lane...

單身情人節

金榜提名空富貴　高床軟枕假風流

arm曬我啦呢句~



情人節我要陪4個男人 =.=

朝早有歐家南陪我

下午有三個學生 -.-

嘗試

小娟老師：
而家我地教外國人漢字~
好聽d係嘗試唔同方法~
實際上係亂教



笑左
好中意上中文堂
好中意呢個老師


佢令我諗返起自己點解咁鐘意language


--

陪connie買書果時
佢入左地鐵~ 我入唔到 -.-
超鈍


買左本法文ge grammar書~
以為自己好威 -.-
原來歐家南 form 6 已經買左


--

接左個 Form 4 英文

淆淆地

新 syll 會考英文得一年past paper

點教 -.-

終於去左UST

星期日心血來潮被朋友引誘左我去左科大 "玩"
從來未去過 -.- 亦冇諗過會去


我去CU HKU BU 同City都只係要一個鐘 -.-
poly耐少少... 70分鐘~


但UST就要 100 分鐘
火都來 -.-


不過果度ge鐵板晚餐真係幾抵
飲茶都係
同埋宿舍超開放


唔嫌遠ge朋友可以諗下~

不過要留意ge係~ HKUST係一間男校



返屋企果時撞到 Jacky Lee
原來佢去左CU social work
以佢ge成績竟然背棄 journalism －．－


而家諗返~
三大ge虛榮真係咁重要?!

又係林夕

沒法真心愛下去　

只好真心真意的結束








**

set me free

無題

我想哭　你可不可以暫時別要睡
陪著我　像最初相識我當時未怕累
但如果　但如果說下去　
或者傻得我　彼此怎能愛下去

學習

我會用d時間去學法文同書法

三月考普通話水平試
五月考IELTS
年尾考法文第一張 cert (我溫得切的話)

出年趕尾班車考會考中英文同普通話 =.=

Single

永遠都要冇左先識珍惜

先識去緊張

先識去煩我身邊ge朋友



係身邊ge時候就理得我死

我再返轉頭就係白癡

林志玲

有林志玲呀sir教我 stat ...

真係唔捨得走堂 －．－

"這個呢~ 喔~ 就是呢~ 啊~ 大家呢~ 有沒有問題呢呵~ ?"

好~ 我改

由於上一篇惹來極大回響 -.-

我決定要澄清


1) 果四個point (包括冇腦) 唔係講緊 x港x~ 亦唔係講 xx興

2) 魔術果句係指一d永遠都比我睇得穿果d only




笑死我

成見

To a would-be accountant：(今次ge稱呼應該冇人認得係你 -.-)

就算係買九十幾萬 ge二手居屋都可以只係比三成出來
而且仲可以分 30 年來還
補左地價ge居屋同私人樓做法係冇分別囉
你某個會計師師兄舊年結婚先買完一層來 =.=



**


我諗就算係最公正ge法官都會對某d野有成見 ...


而我個人好唔鐘意商學院 ge 學生
(真係唔係話緊你)

1) 跟紅頂白而且自己唔叻

2) 以為書本上面ge生意理論係王法但從來連舊書都未賣過

3) 乜都講錢

4) 冇腦




仲有我唔鐘意人地係我面前玩魔術因為真係好無聊

唉 = =

呢排狂睇柯南

但係d書仲未睇曬

又開學了

tag

唔好以為我照cop你果d呀 = =

改過下ga


規則：當你比人tag左，就要寫一篇note，內含16項有關你的事情，習慣，喜好，目標....或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你更深。

1. 發嬲時你就算嗌我美女/靚女我都唔會應你機

2. 我時時刻刻都好多野想食, 所以成日都搞到自己好窮

3. 我做野好三分鐘熱度, 所以次次減肥都唔成功

4. 我想學法文但係冇錢學

5. 我既感覺好持久所以我鐘意左楊千嬅14年

6. 我係才華協會既成員, 我承認我睇人重才華

7. 我冇咩偉大既理想, 只係希望環遊世界2%

8. 我好怕d有毛既動物, 除左貓同狗

9. 我成日都好希望自己有個阿哥

10. 花心只係表面, 其實我好專一

11. 我對住自己鍾意既人敢都唔會主動出撃

12. 我鍾意對住人搞爛gag, 並希望佢識得欣賞我個笑點

13. 我有時會好懷念以前, 同埋d以前好熟而家變得疏離既朋友

14. 我鍾意唱歌雖然我知我唱歌唔好聽

15. 我好容易對住人發脾氣, 仲會死要面唔肯認錯, 其實我知自己衰, 對唔住

16. 我真係好驚嫁唔出

鬧人post

易楚話我鬧人好勁 =.=
叫我幫手鬧下一個朋友 ... 哈哈
(唔洗諗喇~ 係你喇~ 自己對號入坐啦 -.-)


咳咳.. 咁我開始la：

張某人話佢一個月唔計食飯搭車只係用 < $500
我覺得合理

錢係要搵亦都要洗
但係用曬d時間去搵錢就唔係太值

用曬d時間去搵錢來cover "不必要" ge開支就更加唔值 ..

八百幾蚊ge鞋我唔會買
但係二千蚊ge法文課程我會報


因為我寧願而家儲多d錢同多d知識
第時住豪宅同供仔女讀貴族學校

只要為我好

要是日後幸福得　表露出我愛你更多
便難像今天這麼緊我
趁現在盡量好好　享受當你愛我更多
若同時回頭對你更好可有這個結果

只要為我好　多委屈你都做
多增加你苦惱　你卻更加醉倒
肯一切為我好　也許因你不知道
我對你的妄想　可數到老



**

千嬅d歌首首我都鐘意
但有好多都冇plug過 =.=

我最鐘意果十首
(10首入面有8首都係林夕寫ge -.-)


- 只要為我好 (林夕)

- 冰點 (林夕)

- 如果東京不快樂 (林夕)

- 假如讓我說下去 (林夕)

- 笑中有淚 (林夕)

- 煉金術 (黃偉文)

- 處處吻 (林夕)

- 舊地 (何秀萍)

- 亦舒說 (林夕)

- 別阻我開心 (林夕)

touching moment

"我唔介意年年冇獎攞都照來~
我唔介意比人話中女的祈禱~
我亦都唔介意首歌要播~ 你唔好圈我~
我有好多要多謝~ 唔知要等幾耐"


佢從來冇攞過新人獎
就算 04 年 "小城大事" hit 到連張學友開concert都要唱~
"電光幻影" 成為第一張女歌手唱片攞最佳銷量...
佢都攞唔到最受歡迎女歌手 (我唔知果年容祖兒憑咩攞)


我因為咁
而罷睇左TVB頒獎典禮幾年


今年唔知點解~ msn問完bestain睇唔睇之後
會走去睇 ...

可能呢d就係千嬅fans ge心靈感應 -.-


**

坦白講

古巨基攞男歌手真係有d o 嘴 -.-
雖然 <<眼睛不能沒眼淚>> 係首好歌 ..
但佢都冇感情 = =

不過佢多謝 Lorraine 果下真係幾掂
比著我都 lum =.=
希望佢快d結婚


然後

亞太女歌手我諗住應該係比千嬅la~
話曬都係一線~ 又重新簽返無線...
呀 sa 冇左呀嬌點都要收返兩年皮先~
呀 kay又未夠班...

咁今年都係得容祖兒同千嬅爭ge je

當宣佈容祖兒攞亞太區果下~
容祖兒自己同我都失望到膽都甩 -.-

我心諗：
唔係女歌手比謝安琪呀嘛? 所以先要比個亞太區 Joey ...
唉... 千嬅爭下氣好冇 ?!!


點知最受歡迎女歌手竟然比千嬅


我真係感動到喊左

雖然其他人會覺得TVB分豬肉
但至少證明左千嬅仲未麻木....
佢果三分鐘多謝入面喊左分半鐘
然後講果d野　真係好感動

"我唔介意年年冇獎攞都照來~ 我唔介意比人話中女的祈禱~ 我亦都唔介意首歌要播~ 你唔好圈我~ 我有好多要多謝~ 唔知要等幾耐"

我諗就算唔係千嬅 fans 都會比呢個 "女仔" (女人) 感動到
除非佢冷血

決心

半年前~

我 45 kg .. 23寸腰

fit到喊 =.=

恃住自己食極唔肥

就狂食好野


而家知衰 = =

50 kg .. 幾多寸死都唔講 ..


總之

一個星期跑三次步 + 做曬成 set 指定動作
一日只吸收 1000 卡路里 (依然係健康範圍)
加埋每日食纖維素幫助消化

話我虐待自己都係咁話 = =
只要堅持兩個月

無福消受

我遇到世界上對我最最最最最好ge人

但如果要我用自由去交換愛



恕我呢一刻無福消受




何必於一起　沒半點信任...



**



受夠


愛我　就不要再折磨我

無所事事 = =

Film list：
- 畫皮
- 衰鬼上帝
- The Terminal

Book list：
- 神雕俠侶
- Write in style
- 標竿人生

**

一連串 ge 聖誕活動過後~
平靜返落來...
又如常咁做野
但我個學校假期去到 19/1


唔洗補習ge時候~
除左周圍食野同學玩facebook之外
我仲重新睇過 <<記憶像鐵軌一樣長>> 同 <<唐詩>>


然後發現其實我細個真係 "飽讀詩書" =.=
既然而家得閒
又有poly咁大間圖書館比我...
我一於要實行返我ge承諾~


我應承過人一定要睇一套金庸
但係就一推再推...
今次認真：我會響sem break之前睇曬 <<神雕俠侶>>

超開心

前排懶~
我會慢慢加返食評

而家整個簡短版先 -0-

地方
評分 (極嚴緊標準)
Best point
Worst point
消費
Tips

1
- 紅磡美味佳
- 8分
- 唔落味精
- 鋪面 up dup
-老火湯車仔面
- $120 (lunch - 4 people)
- 13:30 後先開爐

2
- Olivia
- 7分
- 有情調
- 麵包凍+湯唔好飲
- 意大利飯
- $250 (dinner - 2 people)
- 千其唔好 +20 蚊轉套餐

3
- 又一城 EXP
- 7分
- 坐得舒服
- 嘈 (開放式對住溜冰場)
- 咖哩雞 pizza
- $150 (lunch - 2 people)
- 全日同一set餐牌價錢~ 食dinner會好抵

4
- 荃灣 outback -
- 4分
- 有情調
- d野太大份
- 得麵包同酒值得推介
- $670 (dinner - 2 people)
- 兩個人可以叫一個 main dish 再加一樣小食~ 夠曬

5
- 尖沙嘴橫須賀
- 5分
- 即叫即整
- 前菜粒聲唔出加 $20 -.- (係咸酸菜來)
- 天婦羅芝士火鍋
- $180 (dinner - 2 people)
- 一定要 book 位先~ 楊千嬅都冇面比 / 有任食放題


6
- 元朗金田
- 7分
- 新鮮
- book 檯最低消費 $120 / person
- 特長壽司
- $ 130 (dinner - 2 people)
- $ 70 (lunch - 2 people)
- 12:00 - 19:00 特價時段~ 水準不變 (晚餐六點九入坐落曬單先就最醒)

7
- 元朗心粥館
- 7分
- 又平又正
- d 套餐冇野飲 (不過食粥不嬲唔洗飲 = =)
- 褒仔粥
- $ 100 ( dinner - 2 people)
- $ 40 ( dinner - 2 people)
- 兩個人可以叫一人餐 or 散叫一褒粥 + 小食
- 三至四個人可以叫二人餐再加2樣小食

8
- 荃灣 olive
- 8分
- 服務正!! (個super好風趣)
- 音樂太大聲
- 西蘭花焗薯
- $ 250 ( dinner - 2 people)
- 最好訂檯先~ 8點前埋單/9點後入坐有 85折~


**

1) 周慧敏結婚

原來愛　
真係可以包容一切

知你叻喇 -.-
咁都比你估中佢地會結婚


2) 尋日好開心~

睇戲 -> 食好野 -> 唱K
最後帶左隻叮噹錶返屋企

係上鍊錶來~ 四百幾紋~
唔貴... 但我好鐘意
係我第二鐘意ge錶

Form 4 果時見到一隻叮噹錶好靚~
但係八百幾蚊... 我唔捨得買
因為果時冇錢
如果而家比我搵得返~ 兩千都買
不過已經唔會再出果隻款...
而且~ 我相信噹迷唔會輕易放 d 珍藏出來bid
所以~ 而家見到呢隻好鐘意就要左 =]]


3) 今晚去左荃灣果間響天橋底ge意大利餐廳食野 ~ 叫 olive

- 前菜 : 鵝肝醬釀鴨胸
- side dish : 芝士煙肉焗石蠔
- main dish : 烤雞雜菌 pizza
- side dish : 西蘭花焗薯
- 甜品 : Tiramisu
(惠顧滿 200 蚊送ge~ 本來要 print coupon先有~ 但我地 tum 到個 super 送比我地~)
- 最後來多杯熱咖啡

兩個人埋單 $250~ 物超所值

埋單果時
acid: 我地係咪會有 coupon ga?
super: 係架~ 同你你上網睇open rice果張一樣 ga~ 不過你地 printer壞左~

笑死

想

我未試過同一個人拍拖拍20年
好難想像佢地感情有幾深

但一齊左咁耐都分開
好可惜



" 最不可靠是愛情 "



**


好想 hea


如果聖誕節真係去得成雙魚星號就好


想睇下響公海望上去ge星星有幾閃


世界太大


**

港女?!

.

人唔會因為自己條件差而降低自己ge要求

但只有對自己有同等要求ge人
先有資格去合理要求一個好伴侶

因為即使係灰姑娘都要有靚衫先吸引到王子注意
而世間任何ge愛情　都須要登對

唔同ge係　
現實中你要自己準備玻璃鞋

**

朋友問我點睇 "港女" ge擇偶心態 -- "有車有樓仲要對我好"

我覺得
呢個要求合理wor
唔合理ge~ 係港女ge心態囉~


要求同心態有咩分別?


錢唔可以代替愛情　愛情都唔可以代替錢

但點解一定要覺得兩者不可兼得?
點解鐘意有條件ge人係一種罪?
唔通一定要日日返十個鐘工再捱公屋逼巴士食麥當勞先係令人頌讚ge愛?


有d得唔到好男人ge女人成日都貶低d幸福女人
話人地遲早都散呀~ 老公會有婚外情呀~ 咁

但其實生活係一種pattern
習慣有好男朋友ge女人每個男朋友都好好

因為佢地有一種令差男人望而卻步ge氣質
只會吸引到有前途~有財務實力同錫佢地ge人

呢種氣質唔係
"唔送LV就唔好溝我~ 出街全部你埋單另加每個月 XX 生活費" (你唔係比人包ar..)
而係一種對生活ge態度同要求


港女一方面 "恨" 識到好仔~
另一方面又唔承認自己擇偶有要求~
仲要詛咒幸福女人 ...

不如學下幸福女人用心打扮下自己~ (而唔係一味冇taste地追名牌)
學下佢地讀多d書~ (而唔係淨係識睇忽然一週)
學下佢地搵多d錢~ (而唔係發夢遇到個超愛你ge富翁)

因為只有對自己有同等要求ge人
先有資格去合理要求一個好伴侶

Playlist

記得我細細個果時~
第一個中意ge歌手係sammi~
然後覺得黎明好靚仔

到左小學五年班~
就開始瘋狂愛上千嬅~
直到而家都係

再大個d~
就識得欣賞張學友



而家越來越中意陳弈迅

千嬅響演唱會上話~
每個人心目中都有一首飲歌~
然後佢唱左Eason ge 明年今日

不如這樣 / 失戀太少 / 今日 / 我有我愛你 / shall we talk
呢 d 歌越大個就越能夠聽得出佢地ge味道

而我最鐘意ge~ 始終係　人來人往


愛若能夠永不失去
何以你今天竟想找尋伴侶　...

學習要緊

學業要緊　我會小心 ...


**


在小新的blog看了那個故事

以前mondy也 post過的


男孩孩原本就是好的
是因為女孩子不喜歡這種癡心的男孩子
所以他們才變壞　...



**


練習為樂

美食

呢排食左好多好野~ 影左好多相~
超幸福~ 遲d post~

跟得我 ge 一定有食神 =.=”””

今日落手煮左海南雞飯 + 蜜糖雞亦
加埋菜心肥牛同黑椒腸ge陪襯~

正!!

我 d 手勢真係 ok ga~
唔洗我洗碗仲正


我第時真係唔會係一個好老婆 －０－
但至少會係好情人ge我諗~ haha -.-

不學無術

每次去大學圖書館都有同一種震撼感 ...

學費比得抵 =v=”””




每逢考試前都會鐘意睇非教科書 = =

攞來賤 = =

認人障礙

尋日補完習行返屋企途中~

比個家長叫我個名~

我本能地say hi~

但我唔認得佢係邊個學生個家長 =.= (太多學生)

佢仲問我做乜會響度 (我心諗~ 我響條街度好奇咩)

由於當時傾緊電話~ 諗唔到比咩反應佢~

佢都好冇癮地走左 -.-

我到而家都係唔記得佢係邊個 = =

都話我有認人 disorder -.-”””


**


考完試染頭髮 =v=”””

品味

品味係一種要求
亦係一種氣質

品味唔係你夾硬話自己鐘意咩咩牌子ge香水手袋就會有

好多時~
同一套衫著響身材外貌膚色都差唔多ge兩個人身上
望落去ge感覺都可以差天共地

我諗~
相差ge係一種味道同心態


呢種感覺好難表達出來　因為我中文真係差 =.=
但係我真係突然之間有左一種體會
就係由心散發出來ge自信係氣質ge必要條件
而真自信同假自信　原來好易分

**

嗯
其他唔敢認~
但食野我一定好有taste -.-

對食有品味ge人
雖然嘴刁　但唔會浪費食物同揀飲擇食

因為佢地會覺得浪費食物缺德同冇禮貌~
而揀飲擇食會令佢地錯過太多美食

美麗人生

想搵人同我一齊睇 <<美麗．人生>>
係鼓勵d人唔好墮胎的

我成日都話　
兩個大人要開心要點都好　唔好搵個bb來較飛
呢個世界有樣發明叫安全套　而且平過墮胎好多

我有兩張coupon
不過呢個唔係重點　重點係我想睇
如果冇人陪我就自己睇 -.-

**


呀媽：姑姐問你有冇拍拖wor~
我：冇
呀媽：快d mark返個好男仔呀~ 不過唔好蝕底比人呀~

我： ........



我想講
1) 我mark過 ge　個個都好
2) 重要ge唔係有冇"蝕底"過　而係有開心過傷心過痛心過


***

角色

普立茲獎 -- 新聞界的諾貝爾獎


美國有不少出色的另類媒體記者，
例如 Democracy Now 新聞網主播的 Amy Goodman；
對伊拉克有出色報道的 Dahr Jamail；
還有揭露巴爾幹半島衝突真相的 Jeremy Scahill 等，


他們的貢獻可謂不少，
但他們不會獲普立茲委員會的垂青，
因為大家的氣質不一樣。


只可惜香港的大學只懂跟着主流走，
香港的新聞學院只懂吹捧美國大媒體。


受邀來港的其中一名普立茲得主 David Johnston，指記者要像神，
意思是記者要像神有惻隱之心、平等待人。

只是，當記者意識到與神般有無比的權力，那又如何平等待人？

另外

朋友可以令自己更有存在感


如果咁樣算係一種利用
希望我ge朋友們唔會介意我地 "互相利用" =]]



24/12 - 28/12 ：全面停工~ 要 book 趁早~ 不設打尖

1/1 - 4/1 ：消失~ 去邊就要視乎到時有幾多錢

知情識趣

不要認真
好聽的說話未上心
不捨得傷透神
未期望你可交出一世情感

我不只三歲　我當然識趣
過去極進取　令玻璃粉碎
徒然浪費眼淚　遇難不知退
被吃定太易豁出去

我怎麼得到　也會怎麼失去
與你淡似水　便千杯不醉　..


**************************


16/12 就考完試~

17/12 - 9/1 可以完全消失


如果我儲得切錢
就一個人出發**

因為要就大隊時間只會令行程擱置


想清洗我心　怎可依靠愛人
看看世上遠方怎麼學做人

會過去的

有些愛只給到這　...

也許這不是一個最好的結束方法
我無法衡量我對他造成的傷害有多大

第一次失戀　誰也試過

但要過去的　會過去的

適應

過左大半個 sem~
終於適應 College ge schedule


原來只要識得運用時間
一切並唔係我想像中逼得咁緊~


書要讀　錢要賺　派對要去


歐家南講得arm~ 要好好珍惜朋友　
因為我地花係朋友身上ge時間比例
遠比我地想像 ge 少


所以~ 由而家開始
有咩 function 都好~ 預左我先 =v=


忙極亦放肆　見我愛見的相知
要抱要吻要怎麼也好　不要相信一切有下次*

Impossible

天氣涼　真好


**


橫睇掂睇

自己都好似好廢　=.=


**


對了，
Obama當選


時代雜誌馬上特刊報導


那天我在想，
如果他連任的話
八年內　
我要訪問他。


然後，
又對自己說：不可能。


但，
Obama本身不就是一個已經實現了的 "不可能" 嗎？


由偉人去創造歷史，
讓我去紀錄。


我不是說著玩的

繼續忙

尋日病左冇返學
病到暈低... 不過而家冇事了~


Poly 15 蚊睇醫生真係抵 -.-
但我又冇理由專登返去睇 -.-


來緊真係好多野做　好燥


***


冇時間睇書 =.=

聽故事

國際都會維苑餐廳服務態度好差


以後都唔會去


**

好耐冇試過聽故事聽到喊 ...

係故事本身傷感　定係自己多愁善感?




又或者係
我唔想聽你果 d 刻骨銘心 ge 愛故事 ..

聽故事要收費的．．

食得是福

呢排個 blog 死氣沉沉
我諗係我寫 d 野悶左~

係時候刺激下瀏覽人數 =.=

**

識我 ge 朋友都應該知道
我唔買名牌　但永遠都唔夠錢用 -.-

除左搵得少同學費車錢貴之外~
最大 ge 原因係太為食　= =

值唔值嘛　見仁見智 la~
　
poly canteen同 hall canteen 係就係平 (相對地)
但唔似港大中大　(其實佢地去西環同沙田都方便ge~)
紅磡咁方便~ 行兩步就到尖沙嘴　
冇理由餐餐去canteen唔周圍搵好野食咁對唔住自己... =3=

有冇食過用老火湯底唔加味精 ge 車仔麵?
加埋鮮切檸茶同即燒雞串都係 $26 埋單

仲有有厚切洋蔥粒夾心ge漢堡包
貴過M記都抵呀 -3-

聽講附近仲有間叫老坑火鍋ge地方d湯底好得~
搵日去試下先 =v=

今後會將我覺得有好野食ge地方影相post出來同大家分享

然後　要狂減肥 =.=

生日快樂

Happy Birthday to my dearest mondy =333=”””

不如這樣

你是我的　我是你的
只是一首太溫柔的歌

如果美好記憶　還算難忘
為甚麼還會記得悲傷

不如這樣　
我們一直擁抱到天亮
如果關懷是種補償　還有什麼不能原諒

倒不如這樣　
我們回到擁抱的現場
証明感情總是善良　殘忍的是人會成長

想睇瀑布

想清洗我心　怎可依靠愛人

看看世上遠方怎麼學做人


**


雖然過左雨季
但依然好想行梧桐寨睇瀑布


有冇人有興趣?

要求

要求是一種態度 ...


自己能力不足
不敢要求太高
怕被人說好高騖遠


嗯
你只有中學畢業
一般都不會當上CEO
只有當你當上了CEO後
別人才不會介意你是否中學畢業





我會漸成大器


**


早晨起來的天氣很好

be strong

磨練是一種福氣
能捱過去便成大器 ...


下星期要reg sem 2 elective...
我決定左讀 mass media




唯一堅持的任性

Better Man

Send someone to love me
I need to rest in arms
Keep me safe from harm
in pouring rain
Give me endless summer
Lord I fear the cold
Feel I'm getting old
before my time

As my soul heals the shame
I will grow through this pain
Lord I'm doing all I can
to be a better man

Go easy on my conscience
'Cause it's not my fault
I know I've been taught
to take the blame
Rest assured my angels
Will catch my tears
Walk me out of here
I'm in pain

As my soul heals the shame
I will grow through this pain
Lord I'm doing all I can
to be a better man

Once you've found that lover
you're homeward bound
Love is all around
love is all around
I know some have fallen
on stony ground
But love is all around

Send someone to love me
I need to rest in arms
Keep me safe from harm
in pouring rain
Give me endless summer
Lord I fear the cold
Feel I'm getting old
before my time

As my soul heals the shame
I will grow through this pain
Lord I'm doing all I can
to be a better man

木瓜奶．噹迷

近排愛上左木瓜奶

點解細個唔鐘意而家先來鐘意呢 -.-

都已經冇得再發育了 = =”””

雖然話飲奶有毒

但咁多種奶 -.- 佢驗到來先算啦~ 最多咪死

**

7-11 出左好多叮噹野

我已經擁有左一set files 同 紅色化妆袋(裝cookies賣果個) !!

有印花就比我 =.= 我想要小錢包

另外又收留多左隻叮噹紙巾套~

之前響動漫展見過~ 但果時冇得賣~ 齋比人睇~

呢隻!! 而家響我間房~!!! wakakakaaa

起薪 $7000

搵食艱難...

不過我相信back up好自己ge能力同態度

工係會揀你ge~

大學生空缺勁減 金融職位萎縮 畢業起薪點料跌回7000 【明報專訊】金融海嘯席捲全球，聯校就業資料庫顯示，今年6至8月供本港大學畢業生申請的職位僅3023個，較去年同期大減一成，當中以經濟、銀行及金融首當其衝，成為跌幅最大的重災區。 (......) 畢業生的平均薪酬將會下調至7000元至1.1萬元的水平，較現時9000至至1.3萬元大跌。他預料，大型金融機構將不願意運用資源培訓畢業生，改為選擇聘請具有經驗的求職者。他說，畢業生供不應求的現象短期內不會再出現，本港將出現「工揀人，不是人揀工」的情况。

"真" 開心

acid,
我成了名嗎？如是者說，那我還未名時互聯綱仍未流行，所以找不到我資料。
你幾年級呀？如果未進大學，千其不要唸新聞系呢！選些可以訓練思考的科目吧！

<< from 張翠容 (香港唯一ge戰地女記者~ BBC駐港特約記者..)


我冇期望過佢會覆我... 而且覆得咁快..
睇佢d書ge時候~
佢果種追求"真"ge態度以及對重要但被遺忘ge事實ge focus已經令我錯愕
(香港竟然有咁有passion ge女記者..)

今次~ 佢ge謙虛同親切更令我感動
可惜我miss左佢上星期六響天水圍圖書館個talk..


真係好開心..
慶幸仲有野可以令我由心底笑出來..


bachelor of journalism我冇料讀..
呢個係我改變唔到ge事實.. (master of journalism? 打好根基再講廢話吧-.-)


但新聞記者我一定要做

mid-term

點解個mid-term可以來得咁快...

Structure of English 好難...
但係我已經不學無術架喇..
唔可以連唯一有渣拿ge英文都讀唔好 =.=!!

尋晚發夢科商業英文同普通話有A
點解考完 AL 都仲係咁
冇得救 －．－|||


**


by the way

往後ge日子專心讀書
無聊就睇多d書..

我真係好攰喇
唔想再快來快去



從幾時開始
變得太易心動　太難愛。

讀書

總覺得自己很井底蛙
實力是累積回來的


真要多點流連鮑玉剛圖書館


早上和gary一起上學去的時候
他問：記者為甚麼不請新聞系要請你?


是的　不學無術
甚麼也讀過　甚麼也讀不精...


但我相信我還是可以的

再給我一些時間..
雖然可以揮霍的所餘不多

完了吧

我沒有阻止理由。

撈月亮的人

　
女生都曾幻想過有王子會為自己摘下天上的月亮

然而
情總如水月鏡花


千嬅的水準


撈月亮的人

淚光裝飾夜晚　路燈點綴感嘆
列車之上看彼此失散
你面孔早已刻進代官山

夜色即將逝去　月色握在手裡
幸福關係也因此握碎
你掠影只有鋪滿湖水裡

月半彎　淡如逝水一般映照你下落
陝路短　走過璀璨情境漸漸微薄
讓背影　盪游湖水深處擁抱我月光
歲月短　遺下一片弱質纖纖愉快感覺

霧色安撫月缺　大街依舊積雪
甚麼心事也許不必說
繼續等等某一個人開脫

月半彎　淡如逝水一般映照你下落
陝路短　走過璀璨情境漸漸微薄
讓背影　盪游湖水深處擁抱我月光
歲月短　遺下一片弱質纖纖愉快感覺

月半彎　淡如逝水一般映照我願望
你樣子　反照優美湖水未及撈獲
下輩子　順從回憶牽引走進老地方
你是否　同樣身處月色之中像我瓢泊

記者

sem2 有一科可以自己揀~
我想讀mass media and culture 或者 當代史 -.-

雖然yr2都有得讀English for mass media
但係傳媒背後個culture同理論比lang.技巧重要...

至於history...
唔係因為執著中學鐘意又冇讀到而家要夾硬讀返
而係因為冇記者會唔識歷史 -.-

希望佢會開是但一科...


如果可以..
summer有得去RTHK做就好..

我愛的始終是你 - 楊千嬅

老實講~
起初對呢隻新碟冇太大期望...

因為佢Plug親果D永遠都唔係最好聽果D...

但當我一聽到呢首歌
我就決定繼續愛我GE嬅嬅!! =3333=



一首為千嬅度身訂造的詞
一首所有歌迷聽過都會熱血沸騰的歌


楊千嬅 - 嬅麗緣

曲：陳浩賢
詞：陳浩賢 / 梁志文


茫茫日子　愛人情史
只掛著勇字唱出心事
但郎來了　等不到嫁衣
輸給野孩子

繁華鬧市　稀客仍然無依
對可人兒　在意
但仍讓我說下去小城失戀大事
數你未能瞬間制止

講直覺未免太早　塔羅迷都
真心聽過少女的祈禱
當有自由咬著唇走到陌路
手信就如我命途

尚有姊妹很多　縱沒愛人陪我
難道超齡是烈女的錯
憑千千闋歌　掩飾的痛楚
但還是卻有發生過

若向左走坎坷　向右轉仍難過
從二丁目道別　微笑講和
寒舍內無人陪熱血青年談情歌
即使我未曾化　又如何

毫無樂趣　只有茫然離去
至少友誼　萬歲
讓前度處處熱吻找尋新歡莫問
傷感真相刺穿我心

感受最後唱的歌　熱情無多
冰點裡愛到跌入漩渦
這個大傻對號情歌夠入座
當有淚流笑亦傻

尚有姊妹很多　縱沒愛人陪我
難道超齡是烈女的錯
憑千千闋歌　掩飾的痛楚
但還是卻有發生過

若向左走坎坷　向右轉仍難過
從二丁目道別　微笑講和
寒舍內無人陪熱血青年談情歌
即使我未曾化　又如何

又打風

尋日...
教統局亂來 =.=

事實證明我d同學真係喪ge
個個都話唔知洗唔洗返都返左先..

我都係..
我唔想miss左堂Structure of English..

因為老師講好多野同講得好快..
又唔響上lecture前upload個powerpoint..
follow唔到.. 第一次覺得英文好難.. 真係難

相比之下另一科商業英文就易好多 =.=
不過因為老師係外國人..
太過活動教學.. 次次上完佢堂都好攰

**


千嬅係咪真係聽日出碟

down

天氣錯...



**

肥死了 -.-

呢排發癲 -.-


壓力一大就想喪食甜野



繼一日狂吞三包麥提莎同繽紛樂之後

我又再去食M記 ge 朱古力批 －．－|||



真係好肥

坐低之後 bit 到個肚腩出來囉陰功 -.-






真係要減...


呢個問題好迫切


**


我冇可能做到咁多野

10月交左學費之後即刻罷工



頂唔順

無題

History repeats


**


愛若為了永不失去

何以你今天竟想找尋伴侶...

呀sir走堂

：呀sir走堂有冇得補堂?
：咁你要問下呀sir sit唔sit堂

... = =


**

film list:

Seven - David Fincher

中秋節快樂

大家快樂


**

其實上堂教grammar教writing真係幾悶
奉勸唔係真係鐘意language ge人千其唔好揀 -.-

好彩我都仲頂得順


btw
越來越覺得自己無聊

都係聽朋友話好
無謂野都係唔好研究咁多
會壞腦 -.-


**

好羨慕 d 博學多才ge人


方東昇話記者係不務正業
我話我係不學無術就真

happy birthday

joyeux anniversaire, vous êtes mon amour.

燥底

病到七彩

食完藥勁口乾~
喪飲水個胃又漲

勁辛苦 !!

仲要返完學去幫人補習之後再自己上堂!!


**


前幾日嘪左兩本有關歐洲古鎮 ge 書...

我發覺書架上未睇ge書同VCD越來越多...



我d time management真係好有問題


**



而影碟都掃光　但從來未看

因有事趕。



-

Gary生日快樂

20 歲 la 你~

你乜都有~
都唔知送咩比你好 -.-

不過我諗你一定好鐘意今日果份禮物 =v=


**


我唔鐘意我定左ge時間表 "成日" 比人改..

話左weekends 要放假..


如果唔係要交學費我真係會話：只可以cancel唔可以改時間!!


算啦做野係咁 = =

foolish

英文好難*



**



有冇人知grant loan幾時批?


真係好想放一兩份補習


想抽d時間學多d野..

真謙同假謙

真謙同假謙

前者係心態上的虛懷若谷
後者係行為上的故意低調


**


書讀得少　

次次睇完michael個blog都大受打擊

重遇

尋日同gary一齊提早左成個鐘返poly..
諗住去恆生開埋戶口先上堂~ 點知要排隊 = =
我認我係死路癡 -.-””


撞返三個舊同學

case1:
同學：我認得你~ 你姓陸ga ma~!! 你叫陸...嘉慧!!
我：我都認得你 -.- 你唔洗響我全朵~
(然後事實係我記錯佢個姓...好彩我冇響返佢全朵-.-)

case2:
(我比一個女仔眼定定咁望住我好耐)
我：你唔識我ga...
同學：係咩?但你好面善wor~
我：你真係唔識我~
(同學好尷尬咁移開視線~ 過左五秒後~)
我：其實我係咪識你?
同學：你係咪 acid 呀?!
我即刻話：係呀~你靚左好多所以唔認得你!

... = =


身邊ge新同學同我講:你識得咁多人ge?
我話:因為我轉過好多次校...


太多過路人

莫講話我以往少去記住佢地ge特性同喜好
甚至連認名認樣都有disorder...


係我冇用心..

識得人多唔代表朋友多
朋友多唔代表keep得耐...

以前我誤以為自己交朋友要有要求
其實咁諗大錯特錯


諗返以前真係覺得自己好蠢
識人ge機會咁多~ 交朋友ge機會居然屢次放過


**


poly有好多 $50 上成八堂咁多ge language課程..
就到時間一定要學 = =

等知道批左幾多grant loan之後我就會減輕手頭上ge補習...
我唔係工作狂.. 搵錢係"必要" .. 但我搵夠就夠

(比個CE誣衊我乜都講錢.. 超無奈
事緣我幫佢改文~ 佢態度極差~
於是我就話你唔係我學生我唔洗咁勞氣~ 佢就以為我貪錢
其實我係免費幫ce同al改文架囉.. 不過揀人來改~
叻過我GE唔敢改~ 太差GE唔識改~ 態度唔好GE唔想改)



體驗生活同盡情學習好緊要..
如果一個星期有10日你話幾好~ 好多野想學!!!

Happiness

If you want happiness in life,
help someone else.

幸福

我一早已經唔記得曬D PHYSICS

世界係咪所有野都守恆?

如果係

A得　B就會失

希望我ge幸福唔好建立響人地ge痛苦之上


**


重左 = =

103磅!!!

大拿拿重左5磅咁多...


要減肥 = =

虛懷若谷

某年世界文藝大會上
一位匈牙利作家試著跟隔鄰的女士聊天

：小姐　請問你也是作家嗎？
：勉強也算是吧　先生
：你寫些甚麼？
：對不起　我只有寫小說而已
：我也寫過小說　到目前為止出版了三十幾本～請問你寫過多少本小說呢？
：對不起先生　我只寫過一本而已
：這樣呀　你的小說叫甚麼名字？
：飄(Gone with the wind)

**

中文盲

完全比我個學生令到我唔敢retake CE中文 = =

(升唔到grade曬錢事小~ 到時down grade好魚事大= =)


F2 ge中文我都唔識 = =

中醫ge望聞問切我唔識
文言文ge假借字我唔識
文言文ge借代法我唔識

語譯唔識

我中化閱讀理解攞A都唔識 -.-””


我明明係去教 maths -.-"""


連補三個鐘..
完全無助到要打比momo求救 -.-
個學生話要繼續~ 但我頂唔順 =.=


知識實在太淺陋


**


雖然我英文都好淺漏...


不過對於教英文我真係自信爆棚 = =


一本F3 Comprehension
已經可以同時KO曬5個唔同年級ge學生~
vocab/reading/oral/grammar/compo/listening 一本搞掂 =v=




btw
係學生ge英文功課度見到一句:

"success did not come without sand and stones"

10 years from now

10 years from now
what people care about is not your exam grades
but the kind of person you are


**


學生升中派到第一志願 + 入埋精英班

佢家長梗係開心la~
但係佢自己就好驚自己唔識用英文去上堂~ 成日話自己唔得


於是我同佢講左三個 "不"


不卑　不亢　不妄自菲薄


**

星期一至四返學 + parttime
要九點幾先返到屋企


五六日 day off ..


因為我唔可以唔做野
但我同時需要時間休息


星期五法文堂3hrs + 來回車程3hrs
5 - 11pm ..


我決定停一季

在書架上

執完間房d書...

我將d書分左四類 (唔計教科書)

1) 要攞去捐ge - 呢d書細個睇曬~ 唔會再睇
2) 放入衣櫃 - 睇過曬~ 但又唔捨得dump.. 必要時先去搵佢地出來 (um..我個衣櫃不嬲都書多過衫-.-)
3) 放響書櫃 - 隨時都可以攞來睇~ 值得一睇再睇

4) 放響書檯上面ge書架上 - 呢d書係未睇曬~ 或者要成日睇ge


有十幾本比我放左係書架上
呢d書我稱佢地為 VIP ...

有d係新書同從圖書館借來的~ 提醒我一定要盡快睇曬
有d係我ge心頭好 - 呢d真係鐘意到癲
有d係 "行頭" - 聖經~ 字典同經典..


**


先讀萬卷書
再行萬里路　而後知天下事

too little time

一個人去睇地心探險記

好正


其實我需要一d獨處時間同一個屬於我ge空間

唔比人打擾


**

momo sd返我以前d相比我睇...

點解可以咁樣衰 -.-


**


人生匆匆　時間太少

我今生要做的事

- 翻譯一本書
- 寫一本書
- 拍一部紀錄片
- 走過世界的 2% ...


從一開始就想要過一個精彩的人生
即使要我以富裕安穩的生活去交換也願意


於我而言
旅行不是觀光　"故"事不是童話

好勁 =v=

Francsoi 返左法國渡假之後~
今日有個新miss教我地~ 佢叫 Isabelle

佢D英文流利過我D中文...
法文講得清過Francsoi...

仲要識普通話 @@!!
連 "你" 同 "您" 都識分......
香港人都未必個個識~ 勁野 -.-

仲要四十幾歲人扮青春伸曬利咁但一d都唔討厭

可惜上多十堂又要換老師 = =


**


香港其實很可愛

當我們下次羨慕東京的繁華~巴黎的浪漫和紐約的多姿時

不妨漫無目的地乘一輛巴士

放鬆心情去觀察一下我們的家

也許會有意外收獲 =]]

what do you want from me

你究竟想我點
無論我做到咩成績出來你都係覺得我錯


我寧願由細到大唔讀書
學壞 學人食煙出夜街...

咁樣至少你對我ge要求只係變返個乖學生咁簡單
可能只係想我搵日交齊功課唔遲到咁簡單


**

呼~

我25歲

一定要買樓

羨慕死人

又有fd買樓結婚 -.-””””

男仔25女仔23



**



我都就快架喇 -___-” 哈哈(汗")

My Cup Of Tea

人沒錯　也許時候錯



**



閉起雙眼我最掛念誰..



身邊是誰。

正能量

要用盡一切辦法令自己開心


過濾負能量

堅定

做呢行唔會發達　
但會好開心

特首係我面前都要驚我問問題
呢ｄ係錢比唔到ge

做呢行唔會發達　
但可以買車買樓養老婆

呢行所見ge所識ge所知ge　比任何一行都多
呢個就係我留低ge原因


最後　
做呢行要有料同有心　缺一不可



一位前輩同我講


go for it

無聊

歐家南生日快樂呀~~ =v=””””


**


突然又覺得~
22hrs/week 其實真係hea到爆 (i mean 8月)


有好多書想睇
我決定聽日開始跑完步去浸圖書館


始終覺得自己文化修養太淺
尤其自從中四開始　睇書質素每況越下


咩先叫language叻?
grammar oral listening A 曬就叫叻?
(我強調我冇 -.- 我得practical skills有B..
但唔知點解100tutor會同其中一位家長講我UE有A ..
結果我照直同個家長講返並推左個補習~ 大頭鬼唔係咁充的 = =)


我更想深入認識ge係一個國家ge文化


我想四年後..
我ge法文可以好似而家ge英文咁好
我ge英文可以好似中文咁好
我ge中文可以更好再好好好... = =


** 要考ielts = =

出貓唔好太高分 = =

兒童不宜 - 人生哲理