最後一個暑假, 我的青春在倒數

最後一個暑假, 答應過自己停工三個月,
遊覽左強國幾個大城市, 搞左個瑪利奧派對, 去左幾次溫和得唔知點解被稱為社運ge"社運"
每一件事, 都響度燃燒緊青春同鈔票
到我今朝發現響宿舍開一晚冷氣要十幾蚊, 就不得不回歸現實,
用part time將我ge時間表填滿
只係, 我用時間同青春去換生活, 生活卻慢性蠶食我ge生活
咁其實我係做緊乜
我好怕老, 唔係驚臉上多左幾多條表情紋,
而係驚有一日, 我熱情不再, 冇左而家ge抱負, 堅持, 同橫衝直撞的膽量...

http://www.youtube.com/watch?v=URUIcYDq3_I

.

用快樂換快樂

唔知幾時開始

學野要快, 做PAPER要快, 寫文要快, 賺錢要快,
仲要快人一 guet 先 comfortable...
一慢過人, 就會抑鬱, 覺得自己廢 -.-
以上症狀, 簡稱痴線.

痴線都算啦,
理論上, 做野快, 慳返來的時間應該用來慢慢享受至係啦,
例如用三個鐘食個下午茶, 又或者訓晏覺, 或者睇戲或者PPS
但我早幾個月就用慳返來的時間去做兩倍, 甚至三倍的工作wor...
響等價交換ge世界, 用左快樂換唔返快樂, 但卻甘願樂在其中,
諗返都覺得自己變態...  所以唔怪得果期成日都病...

而家就唔同啦, 正常返, 推補習下午茶做運動訓晏覺睇戲PPS都做齊曬
所以身心都好健康, 冇咩大事發生都激動唔起我D敏感神經 =.=

平靜係一種快樂,
不過, 我心底仲係嚮往刺激生活的,
咁究竟我係想響平靜之中搵刺激, 定係響刺激之中搵平靜呢,
就等於斑馬究竟係白底黑間定黑底白間一樣, 唔識答.

又不是八十年代

用不屬於這個年代的CRT舊式電腦螢幕
聽不屬於這個年代的歌
看不屬於這個年代的戲
憧憬不屬於這個年代的愛情
抱持不屬於這個年代的理想

只是以上一切, 也無法彌補
我生於八十年代末的錯

我真的很想問施永青先生,

"一般人已經接受的社會常規" 是否就等於無可挑剔的真理?
我們 "向政府問責" 是否就等於 "搗亂社會秩序" ?
"發表意見" 是否就等於 "大造文章"?

沒錯, 這個資本社會競爭向來不公,
但把我們所有抗爭單純地歸類為"我們患不均", 是太過了.

如果保衛天星是搗亂社會秩序,
聲援菜園村是大造文章,
爭取最低工資是患不均,

我把這些罪名照單全收後還是要繼續做,
這種你們 "大人" 口中的 "近乎瘋癲的激烈抗爭" 背後的動機,
你是無法理解, 還是不願理解?

"誤以為自己已佔據道德高地" 的究竟是八十後,
還是早上醒來發覺那天社會無論可評, 而無端拿八十後"大造文章" 的你?

http://www.am730.com.hk/article.php?article=55973&d=1481

突然又已一年

三年前的三月尾, 我網誌留下過這篇ENTRY:

過去的痕跡，會不會在我臉上留下一點點味。

先前的網誌已有四年歷史，瀏覽人次達四萬，是有點捨不得。
但四年前的酸實在太橫衝直撞、傲慢無禮，還自命見解獨到，
現在回望，自覺幼稚。

那些激進的文章，還有那些裝專家的所謂創作，很丟人。
真要花點時間學習一下那些大家的文筆，擲地有聲，辣而不潑。

新的故事總會變成舊的，由現在開始刻下的痕跡
會不會讓三年後的酸更有味。

三年, 加上再先前的四年, 七年了

Another Summer

文人都喜歡傷春悲秋
有甚麼好傷

事實是,
煩人的事總喜歡堆在夏季

稅單,
Grant Loan,
成積表,

六四, 七一

還有, 我的生日

每年四月都想拒絕五月來臨
兒童想快高長大, 成人卻只想攀高不想長大

歲月留在臉上的痕跡算甚麼
留在心上的痕跡又算甚麼

繁華亂世說話之道

以前不懂的
繁華亂世說話之道

不說廢話
如果不清楚所說的是否廢, 又或是說了以後的功用是否廢
不要說好了, 免得被人認為你說廢話, 自貶身價.

不說別人不喜歡聽的話
即使那是非說不可且普世公認的事實
人家不喜歡聽, 你說一萬遍他還是不會聽
不要說好了, 免得忠言逆耳, 自我收皮.

不說假話, 但也不要說心話
免得別人會用他的假話去包裝你的心話


這些, 以前不懂
現在還是不懂

我就是學不懂八面玲瓏
就是學不懂保護自己

不要懂好了

也許, 被保護更好

受傷, 也好

還有一種感受, 叫震撼

那天通宵整理編委辦公室

除了極度疲累以外
還有一種感受, 叫震撼

最挑動我神經的
不是無數的POLYLIFE和圖書
而是為數不多的陳年剪報

我相信春秋之筆是有威力的

然後
我要先讓自己夠力執得起這支筆
再去承啟蒙之責

我是鐵定要當記者, 說故事的了.

明明

如果
藝術家要有脾氣
文人要有骨氣

那麼
我是否需要堅持我的那一份傲氣


明明
我好歹也算是半個中文系的學生

明明
我雖是理科出身但也算是讀過為數不少的文史哲

明明
管你說他們有沒有民智也好
我就是拿著三千多票的民選編委副總編

為甚麼
要妄自菲薄


明明
我就不是那種靠煽情取寵的流行派

為甚麼
要刻意雕花
使得我的文字
不再存有我的風格


明明
我就樂於用最淺白的直述
去表演那份我手寫我心的功力

為什麼
要自我審查


明明
我天生就是要吃文字的飯

不喜歡看的
不要看好了

我為什麼
要怕

If This is a University, These are the People.

一連串的忙碌過後

(忙嗎? 其實也不太... 至少我還有時間踩地雷掟飛標)

面對的 是人的問題
以致於一向身體健康的我在一個月內生了兩次病

哈哈 還好

也許只有真的病了
才有機會喘息一下

很無奈

後天知識不夠 還可以不斷吸收
但若是我存在先天性的性格缺憾 該怎麼辦

直腸直肚直心眼 在現實社會行不通
我五年前已經意識到問題的嚴重性

奈何 真的改不了

喜愛的說討厭 討厭的說喜愛 自己對自己反白眼

明明當初可以選擇做一個執行編輯
身不在其位不必謀其政
話知你同出面詏到打交啦我有我自己寫文最多幫下手搞OCAMP其他野唔X好煩我
偏偏 我又要做EVP
自願果隻...
呢d叫做自己攞苦來辛

做得好 係應份GE 做唔好 你食屎啦
呢種感受 只有我個P同IVP知道

聽曬所有人意見 會比人話你冇決策力 冇效率
做決策 會比人話你唔聽人講野...
呢種感受 只有我個P同IVP知道

每個人來呢度ge目的都唔一樣
我來呢度 係想學野 學我唔識ge野
而唔係去SHOW我識D乜野
因為我ge能力 唔需要響呢度證明

畢竟響呢個目標為本ge世界
能力唔值錢 錢先至值錢

我唔識扮膠
唔識收埋自己
唔識保護自己
唔識趣

然後
我唔識辯護
但係我好在乎我D朋友
話我自大話我EQ低話我冇料到乜都得
最憎人話我出賣朋友
這種對人格的嚴重指控
完全超越我底線

尤其當這種指控出自我曾經交過的朋友口中的時候
我無法忍受 以至情緒崩潰


不過算了
羅生門事件 在這個世界 比比皆是

不要緊 我會習慣的

還是那一句
花點時間學外語更好

留白

唔高興
做緊ge野同我想做ge野相違背

做傳媒應該有果句講果句
但我做緊ge係自我審查
______________________________________________________________.


我做緊ge係____________________.
_______________________________
_______________________________
_______________________________
然後明明好想解釋但只可以食死貓

唔高興

唔高興

唔高興

唔高興點解世界上太多人硬要IMPOSE自己ge一套落人地身上
然後用盡所有力氣證明佢活得(做得)比你好

唔高興

唔高興我能力太低
低得無法改變以上一切ge不滿



"_____________________________" 為自我審查後的留白

春秋

如此沉重的一個詞語
該如何翻譯



說要執春秋之筆
未免太過任重道遠

成長得太快還是太慢
我是連自己的春秋 都不敢面對

親者痛、仇者快？！

矛盾一：一向不甚認同社民連的政見，以及極討厭某些活躍黨員的作風。但我欣賞長毛的學識及政治魅力，雖然我不太認同掟蕉行為。

矛盾二：五區公投，我投陳偉業。但我一直支持的始終是李卓人，只是那一次，那一票，心不甘，情不願，卻非投社民連不可。

矛盾，是出於對該黨的又愛又恨。

愛他擴闊政治光譜讓泛民有更多談判籌碼，恨他的表達方式及凡事非黑即白的極端思想。

或者，我是「道德撚」，但社民連分裂，我不「快」。

不快，因為不甚明白何謂「民主」；不快，因為「最民主」的黨因為容不下不同聲音而分裂；不快，因為除了一部分，那些真的有頭腦有獨立思考的人外，有更多的是盲從附和的人。

人若不死答不了

問到一生最美好日子，人若不死答不了。

那些說女人二十多歲時最精彩的人，够可憐的。

這一生能為自已精彩地過已經很好了，為什麼要為多餘的事憂心負責。

但我偏偏要在青春的時候懷緬青春，無藥可救。

為了再回來

離開，是為了再回來。

幾乎每到一處，都懷念香港的好。

就當我有點自虐，很喜歡忙碌的感覺。

就當我任性，很討厭那些只懂任性的人。

就當我痴人說夢，我畢生志願，執我筆，高飛遠走，為的，是要再回來。

讓記憶跟著鐵軌走

人家說，年青的時候要有多遠走多遠，到老來時才到中國去。
但是離家出走，也有年齡限制的嗎？

hmm... 也許多半是鈔票的限制。
沒有鈔票，就讓記憶跟著鐵軌走。

香格里拉那一夜，還歷歷在目，
說過要去的西安，卻仍然未去。

不要緊 -- 江南也好，
白居易不是說過『江南憶，最憶是杭州』嗎？  

我不知道看著黃山的日出、雲海迎接新一年有多壯觀，
也不知道西湖的雪景、月光究竟有多吸引，
光是用腦袋想像一下就夠我出發前興奮五天，
其餘的，用眼睛看過以後，回來再寫。

八婆的級數

Bitch - 中譯八婆
有級數之分


有一種是潑婦罵街式的次貨
把所有情緒一次過低俗地表露無遺

搬弄是非者更次
損人不利己 - 或是利己.. 還看她的功力如何


有一種表面看來自信心無窮
但內心充滿嫉妒 看不起所有雌性動物
長時間啟動自我防衛機制
盡情恥笑對方但不許別人還擊 - 否則絕交事小報復事大 - 因為自己脆弱得不堪一擊

有一種為求目的
冷血得可以一再利用人性共有的同情心
然後唇都不咬一下 彷彿泰然自若


八婆級數的分別不在於她是搶人老公還是踩住別人升職
而在於心理質素

第一第二種次貨
比比皆是 不值一提

我還是比較喜歡第三第四種的
無聊時可以挑戰一下智慧
或是以旁觀者的角度去窺視一下人性的弱點
啟動一下花生mode

(按: 食花生 - 潮語~ 意指置身事外觀戰)

太遠 太抽象

書看得太多還是太少

就這樣
有點文人共有的神經質
但沒有才氣

如果可以在筆和文字之間滿足一輩子就好了
何用 強裝外向



彷彿不屬於這個瘋癲的時代
喜愛的說討厭 討厭的說喜愛

難到這樣就會
給我十億元

胡說

流露傷感的眼　只顧遠望

在說　有天我將會飛得很遠

是的　我記得
胡適說過　年輕應該有夢

然而我　年輕不再



人越大
彷彿越應該懂得甚麼是腳踏實地

那麼
就讓我用腳去堅持　那應該要起飛的夢


這是我每天都堅持要提醒自己的信念
就像每天堅持早上起來即使趕不及化妝也要閱一小時的報一樣



不論年輕與否



.

多餘的話

1) 岩岩先知原來 "前言" 要寫500-700字... 我只係得100字多d... 而且唔諗住改 -.-

2) 我唔會聽陳博士話前一句 "本人認為" 後一句 "本人覺得" 咁浮誇造作 = =

3) 用新聞取材做topic只係self-fulfilling.. 我完全唔介意佢派咩grade比我 ._.

4) 但準備呢篇論文ge過程學到好多野係真ge... 所以總括來講我唔係太憎呢份功課...

5) 不過如果唔係用中文交會更好(因為打中文我要打完曬d字再逐個標點key返上去...)


完 -0-  

對每個人 都說還好

對每個人 都說還好
我的心 我的情 你(們)不需要明瞭

撞過板 碰過釘
知道並非個個都心胸廣闊得容忍到我ge直腸直肚直心眼之後
我領會到 好聽說話 個個都受落


但講得多 怕會失真


要做一個有立場ge PR好難
要做一個人地相信你係真心ge PR


更 加 難

新承教小記

陣間要test...
但都係要drop一篇note先 -_-

日前有幸被選中去教六個由內地來港ge研究生學廣東話 (中途有一個undergrad插班)
畢竟係第一次教學歷比我高ge人
當中仲要有四個係同我同department -- 即係languge人
教左六堂 驚足六堂
好彩 得到ge feedback都係唔錯ge

尋晚同佢地去左愉景灣食飯
美其名為學實用廣東話
事實上係趁機relax下~ 講ge~ 都係普通話 -.-
冇乜野比得上 美酒 佳餚 靚景 同好人

成晚氣氛過份地好
講過太多野 印象都唔係幾深刻
畢竟 快樂 係屬於當下的

但有一小段記得好清楚:

michael: 李揚~ 你都大三了吧?
李揚: 嗯!!
michael: 快大四了吧? 快畢業了吧?
李揚: 嗯!!
michael: 我還真羨慕你的!!
李揚: ar?
michael: 都快畢業了人還是那麼單純~ 我告訴你ar~ 你人這麼好還是留在香港好~ 不要回大陸去.


***

因為夠錢交學費ge關係...
我一次過推左四個補習學生...
有學生話唔想我唔幫佢補習... 唔想要第2個補習miss...

我好內疚...
但我同一時間真係handle唔到太多野
補習都係為賺錢 賺錢都係為生活
無謂令自己生活得咁辛苦...

我想留多d時間 做我鐘意做ge野
青春 係應該浪費響美好ge事情度多d...



當然... 我都鐘意做學問
鐘意研究我感興趣ge課題... (transltion最好.. linguistics真係免問...)
亦都好鐘意同人share

如果二十年之後有機會ge話
我好想試下做客席講師
或者 language tutor

但唔係補習老師 =0=

學問

收到pragmatics paper的成績

說明了沒有枉過出來社會工作的那段日子 (唔計補習)
那怕只有 斷續的短短幾個月

也說明了下次的semantics paper沒有機會 "進步" ...
當然 我原本就不曾期望過會有那種小學生才能得到的分數



然而 求學
真的不是求分數

至少
在大學 不是

大學
是學做人的地方
是做學問的地方

大者
無畏也

無畏
就是不要害怕分數的高低
不要害怕製造錯誤
不要怕 醜
去做自己 應該做的事






當然 我親愛的學生們:
你們在大學門前 是要求分數的

先苦 後甜 本來就是很公平的

亦舒說

亦舒話
一個有氣質ge女人從來都唔會話比人知佢睇過d咩書　 因為佢唔自卑

呢句話　某程度上有佢ge道理
畢竟　呢個世界
用自己個library裝腔作勢ge人　太多
真正用心讀完一本書ge人　太少


但由於我從來唔係行氣質路線
亦唔介意比亦舒話我自卑

所以我都係想share: The Price of Truth, LAWENCESON & BARBER

網民列出最易單身職業十強

大陸有一篇「最易導致單身的職業」的文章，在網路上一炮而紅，其中，網站及記者編輯也在列，發文者指出，這份排名是身邊的朋友根據實際生活經驗總結出來的。

哪十大職業最易導致單身？

1.會計事務所：女多男少，超時工作。

2.廣告公司(含公關公司)：女多男少，超時工作。

3.律師事務所：女律師讓男人畏懼。

4.諮詢業：在飛機上的日子比地上多。

5.服裝設計師：設計師永遠求新。

6.化妝師、造型師、攝影師：女人嫌該行業男人太女氣。

7.網站：超時工作。

8.記者編輯：老接觸社會陰暗面，清高，容忍度小。

9.演藝圈：感情生活太豐富，身邊誘惑太多。

10.運動員：以性別區分的團體，經常封閉訓練。

*****************************************

好可憐... 哈哈

背景

總覺得 人ge "背景" 好重要

我唔係要講系出名門五代書香或者係含住金鎖匙出世果種
有呢種背景 固然好好
但畢竟呢一類幸運ge人 只係佔世界ge極少數

妒忌又好 唔認妒忌都好
呢d野 冇得自己爭取

我想講ge 係響同一個環境入面
唔同ge人 爭取到幾多唔同ge野

或者係我將呢個世界睇得太簡單
總覺得除左真愛同世界和平之外
(前者可遇不可求... 後者就相信只有Plato同Lennon先有能耐去Imagine)
冇咩係憑努力爭取唔到ge

如果 響能力所及ge範圍之內
冇盡自己全力去爭取過自己想要ge野
就要輕視自己ge出身

咁 呢d人 抵比人輕視啦


另外 人ge背景好重要
但當人越大 背景就會越厚
新ge背景可以cover舊ge背景
而且 呢d新ge背景 人係應該有能力去taylor made

除左Honesty之外 冇乜野衰過.. 唔可以restart


um... 所以嘛
應該冇乜人會care我A Level曾經比人踢過出校同攞過科U...

哈哈

再多一點

我知道Pragmatics Essay十萬火急...
但都係想drop篇note先 -.-

語言本來就係發明出來比人去溝通
但我完全唔覺上呢堂係一種 effective communication 囉..

越學越覺得自己詞不達意語無倫次
咩料

人地話哲學家係癲ge
咁語言哲學家(語用學家)一定係癲佬入面ge癲佬!!

唉算啦其實係我自己level未夠理解唔到姐
呻完 -__-

**

一向看文章也好小說也好
都偏好那些用平實的文筆就足以讓人迴腸盪氣的佳作
因此余光中與王維一直是我的最愛

我從來看不起那些用華麗言辭堆砌出來的一類矯揉造作的流行品
對文章 對人 也一樣

凡事力求點到即止
再多一點 便流於煽情
使得自己想吐

因此我寫文章 摘不下A
因為我功力未夠 只有平實 沒有盪氣迴腸

對人 擠不出假面具
也許 這是我最需要學懂的

生存技巧

據說

大學生涯永遠是對人生最充滿期望的一段時光
只是不同資質/能力的人 期望的不一樣而已
因此據說 人生的距離 是從大學拉開的

像我這種能力一般的學生的憧憬 非常現實

沒有發過明星/科學家/女主播夢
沒有想過要如何偉大成就社會拯救世人脫貧
也從不幻想發達/嫁富豪

我只是想有份喜愛(或是不讓我快速心生厭倦)的工作
領我應得且不太微薄的薪水
足夠讓我過得起正常的生活
有房子有車子養得起孩子
以及一年去兩次旅行就夠

其後的事 其後再說

可以盡情嘲笑我膚淺
但我唯一知道的是 只有養得好自己 才有資格去說理想和社會責任
陀思托耶夫斯基早在兩個世紀以前便說過
張系國幾十年前也說過

香港有部分人政治冷感 是因為他們還未養好自己
香港有部分人仇富 是因為那些養得好自己的人不去履行社會責任

香港有部分人熱血
熱血得還沒有養好自己便要去爭取社會公義

我欣賞他們
但以他們的語言來說
我只是一個懦夫


如果人生的距離是從大學拉開的
告訴我
它是怎麼個拉法

告訴我
怎樣可以把自己拉到天枰高的那一端
先善其身 而後善天下

The studies of languages and the studies of people

開始左第一堂spanish
呀sir好有趣 西班牙文都好有趣

有趣... 可能係因為 i am new to it
回想起當初學french... 都覺得佢好有趣

但當越學越深 就開始失去左當初果種熱誠
覺得煩 覺得難

然後 幾近放棄 停左一季
係度諗 究竟呢種language係咪真係我當初諗ge咁有用同咁有趣呢

諗完三個月
答案係: 呢種language始終都係我當初鐘意果種language
唔同ge係 我對佢認識深左 冇左當初興奮ge感覺 所以開始對佢挑剔
嫌佢grammar麻煩 嫌佢唔夠多人用 嫌呢樣嫌果樣

但再諗諗 已經擺左兩年effort落去 唔繼續又好浪費
而且 想當初中英文都係咁捱過去 過左覺得難覺得煩果個階段之後
可以play with it ge時候 成功感其實好大

於是 都係比左兩千大銀繼續讀level 8

人其實都係一樣
一開始識左個新朋友
大家都會有好感 (咁當然有好感先會去識佢)
到熟左ge時候自然會知道對方有好多野唔好
呢個時後有兩個選擇
一係接受大家ge不同繼續做朋友 一係變返普通 "識得ge人"

唔同ge係 學language你想幾時停幾時開始返係由自己控制 (學校要考試果d除外)
人同人之間ge關係幾時想生疏幾時想close返係需要互動

由朋友變返做 "識得ge人" 係會可惜
但唔係咁大不了

但如果變做敵人就會好可憐
所以我處理一d已經/將要面臨變化ge關係時往往選擇沉默 + 退避
對得住自己良心 但唔需要blame on others
即使人地要敵視我 我都唔願意還擊

畢竟 出左社會之後 會有大把敵人 =[

懺悔

上次比呀chung見到我藐canteen呀姐...
(事緣: 我唔gur佢認為午餐肉同火腿係同一樣野兼且響我拒絕以火腿代替午餐肉ge情況下夾硬以火腿代替左午餐肉)
類似ge情況響唔同地方發生過好多次 =.=

其實唔單止呢件事...
一直以來我做野都好急進同麻煩兼挑剔
有d咩鐘意唔鐘意又擺曬上面 直接講曬出口
一d都唔識做人

好彩ge話 可以遇到同我一樣咁直接ge人會直斥我非
(其實我真係唔介意比人串...
因為講笑果種串代表佢當我係frd
有point果種串我會學到野...
單憑主觀感覺人身攻擊果種串又影響唔到我情緒)
唔好彩ge可能對方暗地裏嬲我好耐我都唔會知...

我堅持直接冇錯..
至於要求呢樣野... 應該要待人以寬 律己以嚴
要改ge.. 係自己大脾氣呢個缺點

我知道好難頂
亦舒話: 人總係對陌生人太客氣 對親近ge人太苛刻 如果掉轉 天下太平



多謝我身邊ge朋友肯忍我
我會盡力去改

關於時間與學習

曾經話過
入左u之後樣樣都想做 最唔想做就係讀書
language科論文 research present translation係三分天份七分熱誠(係熱誠..唔係勤力- -)以致每次都勉強過關
但finance d科唔到我唔讀... 冇計~ 人生得蠢..

太多野要做 太少時間

十月開始又要再上法文..
仲有兩年 就有望"修成正果"...

但我到而家仲係停留響識睇識寫唔識聽ge地步... 講? 少少啦...

我好鐘意學languages... 恨不得一次過學曬日韓法西德意..
可惜如同一切文化藝術... 我呢種毫無天份ge普通貨色想要得道..
就一定要付出極大量時間.. 但我最大問題就係冇時間 - -"

Allen話佢地由細到大以至大學都係用韓文上堂~ 用韓文同朋友溝通
我問佢點解英文可以咁好... 佢話佢真係對住bong牆講英文
我大笑... 香港老師都係咁教~ 但學生永遠唔會咁做...
睇來~ 我要還原小學基本步... 對住塊鏡講法文先得 =]"

好啦... 關於對法文ge懺悔到此為止
講左成年~ 終於報左basic spanish...

懷念青春

可不可以現在開始叫時間放慢，
青春是女人最美的本錢。

可以不施脂粉，
可以任意挑選最愛的男生，
可以徹夜不眠、任性、浪漫、性感、嫵媚、放蕩。

buy me a morning

一早起身 (其實已經九點...)
沖左杯咖啡... 雀巢即溶果隻...
今日好懶.. 唔想褒 -.-

用 $240 買左一個上午送比自己
(推左早上ge補習.. 今次唔好話我折墮 =0=
因為我陣間要 14:30 - 20:00 ... 好啦其實我真係好x折墮..)

好啦.. 多左一個早上..
就用來做左d 無謂野..

例如:

1)
研究究竟minor International Business好定係Marketing好...
一來學返d 商業野點都有好處..
我打算考埋保險2+5牌同埋試下做一個月地產經紀
二來唔整返d "有用" d ge野響張cert度似乎唔多掂.. (雖然事實並非如此)
我最憎人問我呢幾個問題:
- bilingual即係乜野? 答: 中英雙語..
- 即係translation呀? 答: 差唔多啦.. 不過...
- 哦!! 即係出到來教書?! 答: ......

2)
研究新加坡同香港相比ge好處同壞處...
我想1月去新加坡一轉感受下佢最凍會係幾"熱"... -.-
果度有一百萬樣好過香港..
不過我鐘意香港有得打風同食香口膠同埋法治寬鬆(包括政

治打壓...)
同埋其實新加坡樓價都係全球10名之內...

新加坡公寓在全球城市排名第8貴、亞洲第3貴。
全球樓價最貴城市（每平方公尺樓價）：

1.蒙地卡羅（47578美元）
2.莫斯科 （20853美元）
3.倫敦 （20756美元）
4.東京（17998美元）
5.香港（16125美元）

第6到第10貴的城市，依次是紐約、巴黎、新加坡、羅馬和孟買。

(以上數據指市中心120平方公尺以上ge高級apartment)

結論:
如果響自己地頭都站唔穩陣腳... 去到邊都唔會站得穩 -.-

3)
整理左呢排睇過ge書同資料
可能因為我蠢
好多資料性ge書都係要第二次睇先理解到重點..
第三次睇先真正學到野... 第四次睇先識得學以致用 -.-
所以我prefer買書..
由於我全年都non-stop地買書...
書展對我來講冇乜意義.. 所以今年冇去

4)
打左呢篇膠 note -.-

關於思考

呢排用少左腦袋




其實諗深一層
我係想去中國/印度交流遠超於歐美

唔關旅費同language事

而係
點解有兩個正在/將要崛起ge國家擺在眼前唔去探討
而要追隨潮流想要去一d "熱門" 留學地區?

諗通左之後
下一步係要付諸實行

**

呀 仲有
大學生 "必做" 五件事: 拍拖 上莊 住hall part time同走堂(定讀書?XD)
我仲有住hall同上莊未做

不過諗返起jim rogers果句 "必做" ge事可免則免就想笑...

其實做唔做ge關鍵係在於究竟我想唔想做..
而唔係我需唔需要去做

我最想做ge野:
1) press committee
2) drama so編劇

因為我記得miss lam話過
我適合做編劇多過記者

我想係畢業之前證實一下係咪真

言之無物 (從五區公投到政改之後．七一之前)

立法會通過政改方案

本來
已經冇咩好講 亦冇咩想講

無謂 言之無物

但尋日城市論壇
有人要求民主黨唔好出席七一遊行
卿姐以一句: "乜個遊行係你ge咩?" 來回應

我思考左好耐
最後決定 blog 呢篇 entry

政治場上

冇永遠ge敵人
冇永遠ge堅持
冇永遠ge承諾

只有永遠ge利益

呢一點 陳腔 濫調
但偏偏有人就係未睇通睇透

少一點頭腦
少一點獨立分析ge能力

好 危險



先由五區公投講起

社民連未同泛民溝通好
就提出五區總辭呢個idea
並明言無論其他泛民黨派跟唔跟 都會照去馬

跟 等於認社民連做呀頭
唔跟 等於左傾

於是 民主黨同公民黨有兩種唔同反應

民主黨響議會算係大黨
並且係香港民主先軀
在情在理 冇理由傲認你社民連做呀頭
而且 佢地有返咁上下歷史
支持者都有返咁上下年紀
自然唔再係差人逼到埋來死就死果班 "激進份子"
如果佢地跟埋社民連 "激鬥"
先至係對唔住選民 對唔住選票
反之 按兵不動 可以保留談判籌碼
計落 梗係唔跟你社民連玩

至於公民黨
歷史短 支持者唔夠民主黨穩固
亦冇可能好似民建聯咁有中央撐
律師背景 理應target中產選民 走溫和路線
但自由黨有版比佢地睇
立場搖擺 "懶理性 假溫和"
會令佢地響08年立會選舉pk得好慘
於是 真心覺得抗爭有用也好
逼於無奈要 "立場鮮明" 也好
佢地 只可以跟

一跟
好 "成功"
甚至搶埋社民連風頭
變成五區公投召集人
上埋電視同特首辯論

唔好理主流傳媒同特區政府點樣評價公投數字
佢地立場鮮明ge目的已經達到左

然後 民主黨轉肽撐政改
係真心覺得改良方案增加左民主元素也好
定係唔想比公社搶曬功勞都好
同公社兩黨壁壘分明 keep住溫和民主票源呢個目的 都達到左

值得一提ge係鄭家富
不強黨所難 不強佢所難
佢有ge係地區工作根基
以往民主黨拉票同出選策略等等
都係鄭ge強項
離開民主黨
對佢 有利 冇害
而涂僅申就冇佢咁夠薑

你地話中央係度為分化到泛民而陰笑咩?

講到尾

其實各取所需

邊個贏 邊個輸 要等兩年後先知


回歸正題 咩叫言之無物
我呢篇愚見可能係 "陰謀論" 或者 "言之無物"...
因為我唔係讀政治 才疏學淺 分析力有限

"靚模唔識分掃地呢個職業係咪高尚" 係言之無物..
因為佢concept上分唔到 high/low

果位唔知邊個黨派ge支持者叫民主黨唔好出席七一遊行... 更加係言之無物

連政府/警方甚至中央都唔夠膽阻止ge七一遊行

一個聲稱為民主抗爭ge人 竟然講得出叫人地唔好去遊行

佢係 concept上分唔到咩叫極權 咩叫民主

一日未搬 一日都撐你

前兩日同朋友爭論

朋友問我又插政府又插泛民咁仲插剩邊個

我插剩呢個...

我響九龍東返工
九龍西返學
放假行港島
住新界西

我唔睇電視
但響電視見得最多GE係社民連

但落到街見得最多GE係佢...

佢唔支持民主黨改良政改方案

佢用自己GE一票實實在在去反對

但佢唔會鬧民主黨出賣民主


何俊仁我唔知
但司徒華78歲生CANCER都去六四集會
點樣出賣民主

妥協 係唔妥
但如果妥協就係出賣民主
未免言重左

民主黨唔DESERVE呢個指控

痛心疾首呢四個字

佢留比六四

馬草泥高呼緊 "你民主黨已經唔再係我地泛民GE一員" GE時候

佢 爭取緊最低工資 最高工時

要爭 佢論資排輩數支持者都爭贏社民連同馬草泥

但佢冇爭


佢冇為自己政治地位諗
佢時時刻刻 為緊打工仔諗


李卓人
佢唔係政治家 佢做實事 佢安靜
但冇人夠膽話佢只關心民生唔關心民主

新界西GE朋友

2012 希望你地識揀

我一日未搬
一日都會繼續投票比佢

看自己的風景

我總覺得
女孩子是應該被珍惜的

我知道
你喜歡一個人的時候可以數出他的千百萬樣優點

只是

如果他總為別人撐傘
不要為他等在雨中...

他要是喜歡你的話
自然會追你

不喜歡的話
你滿身泥濘跪在他面前也只會是徒然

走你自己的路 看自己的風景

世界 很大

About High/Low

其實
我唔用標點符號 唔係要扮新詩

而係
我真係唔識用標點符號

另外
如果 人情煉達即文章

點解
用書面語就係high 口語就係low...


我打左blog六年
到而家
依然堅持主要用口語打blog

如果要用書面語
我傾向用最平實ge語句將我想講ge野表達出來
浮誇 煽情 欠奉

所以我

做唔到文人

做唔到政客

做唔到香港記者

:sosad:

我所愛的香港

呢度
係我所愛 ge 香港

你問我
海防道街市熟食檔入面合香園ge奶茶有咩咁特別

我唔識答

如果 用純粹味覺ge角度來講
我會話: 佢唔夠滑... 同埋少糖

如果 想響fb引起哄動... 令人 "woooo"
我會話: 因為同你一齊飲~ 所以好特別

其實

興記煲仔飯唔好味...
因為飯身太"lum"~ 同埋豉油唔夠甜...


但係
d野好唔好味 係睇下 "係邊度食" 同埋 "同邊個食"


我食得開心
係因為忙左成個星期
星期日有個朋友陪我周圍搵野食

我食得開心
係因為 香港 仲有一息尚存ge人情味

我食得開心
係因為 香港人 仲有一份對回憶ge堅持



呢度
係我所愛 ge 香港

我講廣東話 寫繁體字 聽陳奕迅

頭果22年
為左一個學位 為左一張入場券
忽略左太多野

到而家 終於
得閒去望一望 我所愛ge香港

係呢度
我望得見我ge回憶


但係
我ge將來呢??


如果有一日
我對香港 失去熱誠

我仲會唔會

覺得從南ㄚ島望上去ge月光

特 別 靚 ?

吹漲

有個新晉八十後今個星期開始響am730寫專欄
個欄叫 吹漲八十後

今日果篇~ 我用口語簡短打返出來~

一~ 做大學生本來已經無甚hing香~ 畢業為份八千蚊ge工爭崩頭仲要比人話眼角高唔刻苦~ 吹漲

二~ asso更慘~ 學費貴冇hall住出路少升學難~ 係一個騙局~ 吹漲

三~ 唱k nuts幾十蚊碟~ 淨係可以去neway而且冇得唱kay~hk原來冇反壟

斷法~ 吹漲~

四~ 人工已經少~ 仲要比強積金~ 吹漲~ macau派錢現兜兜~ hk派落強積金~ 三十年後先可以用~ 而且會唔夠用~ 吹漲~ (acid: 班pk唔計通漲~ 吹漲)

五: 一星期返六日~ 日日朝九晚九~ 比完家用還埋grant loan得果三千幾蚊洗~ 吹漲~

六: 香港精神係刻苦耐勞~ 自力更生~ 咁班(仆街)富豪第二代憑咩攞hk旗號耀武揚威? 吹漲

七: 樓價貴到離曬普~ 公屋要等十五年 (acid: 呢個又誇d = = grace: 係成世都等唔到~ 上限七千七) 住屋企有冇空間~ 吹漲~

八: 政府唔壓樓價~ 出咩九招十八式~ 街市買送厄秤都要坐監~ 地產商厄人成副身家就可以做富豪~ 吹漲~

九: 民選議員掟蕉出位~ 吹漲~ 但公能組別為有錢人護航更吹漲~

十: 冇得票選領袖~ 但有得用選票制衡呢個特權階級ge社會~ 點解唔把握?



acid:
今日~ 新聞話英國大選~
七成半投票率~ 都叫比預期少
我聽完之後好sigh...

5.16 會有幾多...

政制直接影響民生

如果你覺得
香港係福地~ 颱風暴雨吹你唔lum浸你唔死~
八千蚊一個月或者有綜援餓你唔死~ 有loan比你讀書~
你就應該收皮唔好出聲~
同埋覺得我地係讀書唔勤力但係度 on9 爭普選


你先至係on9

yo~ happy birthdy~

今年 好開心 ^^

my happy birthday

一份禮物
兩封email
三個電話

四個朋友出席ge生日飯

同埋
無數個facebook/msn/sms祝福

我 好 開 心 ^_^


特別係
今晚 真係 好開心


1) 我以為chung真係諗住同我去挑戰極限~ 於是事先食定粒胃藥 -___-

2) 我已經遲左到~ 但打比jenna佢懶神秘話自己on the way -.- (佢住太子... 我地約mk... 行路都到啦 -.-)

3) 之後chung響地鐵站食住繽紛樂出現... 太奇怪

4) 點知原來係帶我去cafe... 我粒胃藥白食 -___-

5) 之後連 cafe 都有得 "打邊爐"...

6) 同埋有吹唔熄ge "蠟燭"

7) Grace Li出現 =]"

8) 竟然有蛋糕 =v=

9) 終於... 揀左一個願望許... 希望會成真啦~

10) 病緊ge Dennis Chiu出現左.... 我真係好開心 =] 唔識比反應


如果 以後
年年都咁開心~ 就好lu~

=]

A few facts and feelings

1) Expressing feelings is a dangerous motion, yet i'll still do so when I want to.
2) Because I regard myself as a real person.
3) When real people break up in a relationship, they can easily join another.
4) When fake people join a relationship, they can easily break it up.

5) I can apologize for everyone's sake, if it is the only way to solve a problem, even though it's not my fault.
6) But dont expect me doing it twice if you dont treasure the chance.

7) I tend to solve problems right away.
8) Becuse I am simple, direct and straight forward.
9) So I am not suitable to be friends with ordinary girls.
10) As they are too COMPLICATED.

Updates

如果大家見到一d之前見唔到ge post
咁就arm la~

唔係因為我之前 hide 左唔比你地睇
只係因為我一次過將之前打過ge entry updte曬

都係 呢度 最舒服

時間會走

狂風暴雨後的澄明天空
是這樣的可愛

夏天了嗎?

至少到今年為止
在香港 仍能以天氣判別季節吧

每年 下雨天
就好像在提醒我 It's my birthday
but this time I find no cause to celebrate

時間會走... 1988
好命一點的話 應該今年大學畢業
然後 get a job, get a life, get an MPhil and then PhD

我還是好命的
這些目標也離我不遠了
只是 我比別人 慢了一兩年而已

一兩年的時差
大概將來回首也不覺得是甚麼

只是 時間會走
I am no longer young

用眼淚泡咖啡

訓唔著
第三杯咖啡
惡性 循環

唔知係咖啡ge關係
定係喊得太過份ge關係

胃 好痛

我唔care人地話我扮曬野
或者話我周圍得罪人

邊個可以咁巴閉
話自己從來冇扮過野
從來冇得罪過人


呢個係 acid luk
從來唔係風頭 "等"
甚至
可以話唔係正常人會accept ge一個人


鐘意我ge
過來同我做朋友 我來者不拒

唔鐘意我ge
唔該 行開

笑 係禮貌

但有一樣野好清楚:

acid luk需要朋友
但唔需要埋堆

define friends (2)

你會對住 "朋友" 笑
但你只會對住朋友喊

你只會見到你ge "朋友" 笑
但你會見到你ge 朋友 喊

你會對你ge "朋友" 講是非
但你只會對你ge 朋友 講感受

你會奉承你ge "朋友"
但你只夠膽責備你ge 朋友




朋友 係果d兩三年冇見但一收到你sms就會覆你ge人
朋友 係果d可以對住你毫無顧忌講粗口ge人

朋友 係會真心替你高興ge人


朋友
唔會因為人地幾句是非就怪你 懷疑你 唔理你


base on the above definition
how many friends have you got?


i have...

1
2
3
4

and probably 5 ...
um... 6

i do treasure

but it hurts

我想

我想逃跑

我想搵一日
放肆地 走堂 唔去補習 唔返屋企

亂上巴士
然後 浪費時間

或者 望住個海等天光
製造屬於我的浪漫
最好 隔離有多個膊頭


哈哈


然後 第二日

返學

真天真

一早已經聽人講過
college 就係社會ge縮影

遊戲規則:
1) 天跌落來 力求自保
2) 對住個個都要笑
3) 要埋堆

而呢個社會永遠有d人
當你幫佢做曬佢d野之後~
佢會響最後一刻出來同你 "安份守己" ~
認返自己果份工作
然後向全世界宣佈自己ge "無辜"
同控訴人地ge "mean"

whatsoever
as long as i can get my own reward
i dont care

我care ge係
竟然 曾經
當過呢d人係好朋友


哈. 哈. 哈. 哈...

火

當你學識點樣對住任何人都可以保持 EQ
就證明你已經可以去投身社會



我未夠

感覺 都追不回來

"只知道 我想贏"
-- quoted from constant.

**

已經唔記得
對上一次 贏
係幾時
同邊個比
為乜野


更加唔記得
上一次 想贏
係幾時
同邊個比
為乜野


沒練習太耐
感覺 追不回來


但係
輸ge感覺
我記得好清楚

一次 一次 再一次

the lack of motivation

經歷過一次又一次的挫折
我真的 很累了

甚麼選擇錯誤 環境問題
全是借口

說穿了
根本就是我廢

很廢

但當你正處於危險邊緣
曾經有過的理想 計劃 或是所謂的夢
都變得不再重要

因為
本能要你把求生放在第一位
其他的一切 都得放棄

如果可以茍且偷生
行屍走肉地活下去
那麼 生存 還有甚麼動力

當你一直被困於瀑布下游
失去一切 只剩下孒然一身

你還有甚麼資格跟別人談計劃 談理想 談夢

一個 一個 已粉碎

**

我說得言重了

其實簡單說來
是我的生活失去了焦點 變得很hea

即使意識上要我盡責任去完成本份
完成後 我也沒有從前那種興奮的感覺

即使有 也只是偽裝出來的

define friends (1)

Those who
work on the same project with you;
go dine and wine with you;
and gossip with you?

or the ones who
laugh and cry in front of you;
listen to and understand you;
and give you hekping hands when you need them?

I have always been
listening,
offering helps.
and showing the real me.

But in return,
I see people too fake.

just, simply, too, fake.

fake

這種刺蝟

當兩隻刺蝟ge距離太近ge時候 會刺痛對方
而如果係兩個人 就會更痛

所以解釋左點解全球情侶永遠響互相試探ge時候
都係最開心ge

而一旦擦出左火花
就會開始有期望 有要求
開始要對方時刻報到
唔比對方同任何異性接觸
永遠過份敏感
同埋 將自己ge地位放得太大

感情因而開始直線衰弱
最後 一切化作烏有

然後 又再唔小心 亂咁牽手


惡性循環


**

任何吸取過教訓ge人都應該知道
拍拖可以分手 結婚可以離婚

點解 唔索性 不求名份 但求開心?

要求與仆街的關係

今天傍晚放學的時候
天很亮 原來 已經春天
但天氣仍然 很寒冷


要求是一種態度


對食有要求
因此不會為了減肥而節食

對衣著品味有要求
因此不會隨便把一件名牌掛上身

對閱讀有要求
因此不喜歡盲目追看潮流讀物

對電影有要求
因此不常看港產爛片

對愛有要求
因此不會隨便牽手 隨便鬆手

對前途有要求
因此不甘心只領八千多元的薪水

對生活有要求
因此不想讓青春浪費在荒唐歲月裡



對朋友有要求
因此 對自己 很有要求

因為我怕
不夠資格進入別人的 fd list
所以 事事唯美

因為對自己很有要求
我成了那些對生活 對一切 對自身 沒有要求的人眼中的

一個仆街

too much noise

又是一個寒冷的深夜
剛完成又一份translation

目光掃過案頭一本散文集 -- 噪音太多


"你一早就唔應該揀理科啦!!"
"你唔應該咁衝動就分手!!"
"做乜唔讀business要讀語文?"
"有冇諗過你咁樣係唔arm ga?"
"你今日個妝好濃ar!"
"都唔襯ge!"
"危險wor! 做記者~ 又辛苦"
"又咁夜返?"
"你對鞋唔夠高ar~"
.
.
.
"!@#$!@$!#%@^"
.
.
.
.
.
.


也許 要到深夜
才有屬於我自己的 片刻寧靜

只屬於上等人的文物

文物 應該是屬於整個城市的

然而 有種 "文物" 卻只屬於有錢人

不是說它的入場券昂貴得讓窮人卻步

而是 當文物 突然和名店扯上關係的時候

就不是 每個人 都有這種雅興去 "參觀"


1881 - 也許是只屬於 卡地亞 mont blanc等名店的顧客的文物 ...


**

今日突然之間有個韓國遊客同我講韓文...
以為我係佢地ge同鄉 -.-
當佢發現原來我唔識聽佢地果種語言ge時候好失望

hallie話係因為我皮膚白所以累事

但我覺得係佢同monique係度玩相機令人誤會我地係

遊客 囉 -_-

印度小說

呢排一路做translation一路睇左本印度小說 - six suspects, 係slumdog millionaire個原著作者寫ge. 故事講述一宗謀殺案, 然後有六個嫌疑犯.

小說個架構好得意, 講完個謀殺案之後, 每個chapter逐一介紹嫌疑犯, 每個嫌疑犯ge介紹手法都唔同, 一個係日記, 一個係電話對話等等. 然後, 又逐個chapter逐一講述每個嫌疑犯ge動機. 最後先到破案chapter.

睇落好似好易, 但係唔同suspect ge故事又同其他 suspects有關連. 簡單d來講, 普通ge小說係用第三人稱寫, 有d小說會用第一人稱, 例如 sherlock holmes. 呢本小說就係用多種唔同人稱ge手法來寫, 好 "real".

除左寫作手法之外, 呢本小說大概就係想show印度最真實ge一面出來.

佢地用ge language有分階級 - "我想學那些有錢人一樣~ 他們都只講英文"
(即係 language and society 所講 ge diglossia)

膚色有分階級 - "我想泡的是有錢小姐 - 她們皮膚白晢 不像貧民x (slum, dont know the chinese word) 的那些女人 黑黝黝的."

姓名有分階級 - "我叫做維傑辛" "那你也是塔庫爾階級的囉? 跟我一樣?"

甚至連謀殺暗都有分階級...

大家有興趣睇ge可以問我借


**
所有野都有分grade...

響香港
我地大概唔可以從人ge膚色同姓名判斷到對方係咩階級
但language同職業就一定得...

有評論話大學(或以上)教育已經唔再係向上爬ge方法
我唔認同

或者 教育未必可以令人短期內賺到錢
但係 可以幫人分到grade

品味人生

TVB呢幾個星期六晚七點半都會轉播港台製作ge電視節目 <品味人生>
剛過去果一集邀請ge嘉賓係楊瀾 -- 前鳳凰衛視主持人, 而家搞時尚生意

"聽" 呢個節目之前~ 我唔識佢
(因為我唔睇電視...所以屋企開住電視我就"聽")

但當我聽到佢的談吐之後~
(佢成個節目都用純正ge普通話講.. 所以我諗應該唔係香港人)
即刻望左下個screen
然後第一個反應係 - 好有氣質

之後就睇曬成個節目
佢出名 靚 超級有錢 家庭幸福(有兩個小朋友)
但一d都唔作狀

成個節目我最記得係呢兩段對話(大概意思):

1)
主持問: 你當主持很順利~ 為什麼要改行做生意呢?
楊: 我感覺自己好像在吃青春飯~ 人家可以把我捧上來~ 也可以把我拉下去...
所以我選擇(響電視台做主持好順暢果時)先停一停... 到美國進修(master)... 朋友都說我瘋了


2)
主持問: 你覺得你的人生有甚麼遺憾?
楊(諗左一陣): 我覺得人生沒有甚麼可遺憾的~ 沒有一個虧是白吃的~ 因為你的人生就是靠過去的錯誤積累起來的.


好多人可能會話佢成功係因為佢靚/屋企有錢
但其實佢只係出身一般中產家庭
佢成功... 應該係選擇同態度ge關係

如果大家有興趣可以去RTHK個網重溫

Indulge myself in books

其實我唔知仲有幾多人睇緊 "故．事"
所以好耐冇update呢度

一個作者寫完一本書
就算唔知讀者睇完之後ge反應
至少 都想知道本書賣唔賣得

不過 我寫ge野
大多都係興之所致 ge code-mixing隨筆 (low language)
又或者係冇標點符號 ge "standard中英文"
放響 facebook 當 notes 都仲合理一d
blog上來... 就只會顯得我個人冇乜格調

**

尋日本來係出去買衫
點知後尾衫買唔成
反而係將 complete sherlock holmes 帶左返來

10年前睇過呢套 "經典" ge中文版
我記得當時同自己講過 - 終有一日我要睇原著...
然後今日發覺~ 並唔係當年想像中咁難...
所以我可以同自己講 - 終有一日我要睇 phantom of the opera ge原著...
唔知洗唔洗等10年呢?

其實推理小說實在難登大雅之堂...
當時英國應該係瘋行 dickens/shakespeare 呢類ge作品
只係唔知點解 conan doyle 突然之間出左名...
之後 sherlock holmes 就變左 "經典"...

情況就好似而家ge Harry Porter一樣
明明就係寫比小朋友睇ge故事書
但竟然可以登上暢銷榜第一位

"世界流行膚淺" -- 呢句話太過份
我未了解到 harry porter ge可讀性
好大可能係因為　膚淺 ge 係我




朋友話我明明話要慳錢但又成日不停入新書
我話因為相比起買書... 去一次旅行貴好多

Reading is a slow way, but the cheapest way for one to get rid of ignorance.

黑咖啡 vs latte

新年難得ge四日假期完左

原來
只要比得起屋租
我係絕對有能耐一個人住的
而且　好享受

由細到大
我都唔係一個依賴ge人
不過有好多時候我都寧願有得依賴
因為　幸福係一件好事

但係
好似我呢種患上嚴重自虐症ge人
一旦比我遇到幸福
我又會不自覺地抗拒

就好似比我遇到raymond呢個超級錫我又前途無限ge人ge時候
我就硬係要挑剔佢不黯世事

"正面" d講係矛盾
"正確" d講係精神分裂

然後
為左解釋我呢種諗法
我睇左唔少書

其中一本話呢種諗法係大多數 2x 歲ge女仔都會經歷ge
之後又灌輸左唔少 "正確" 價值觀比我

例如:
其實幸福　係一件好事

之後我又諗到...
其實唔一定要黑咖啡　先係好咖啡


um...
一個可以嘆住latte返工ge記者
其實好唔錯


幾時結婚? (笑")

欲望無限 福氣有限

興之所致
search了一位朋友的blog

原來
他為她做過許多讓其他女孩子妒忌的事

難怪
他總是感性地 憑歌寄意

畢竟 也三年了

然後我在想

如果 不浪漫是一項罪名
那為什麼 懂得浪漫的人 也要被撇

也許 不是感情變了
只是 人長大了

使得那些從前認為浪漫感動的事情
都變成了回憶 -- 那些 "現在做甚麼也不比以前好" 的回憶


"" 擦光所有火柴難令氣氛像從前閃耀 ...
就當普天之下情人節只得　數秒 ""

sadly true...

When two language players play

I am not talking about the rules in linguistics,
nor the art in literature discipline.

Language is meant to deal with people.
When you talk, I guess I could understand the message behind.

And I think I could be able to expect your expectation.
And I know you know my reaction – two choices, either way.

But sometimes I just don’t want to play, especially when I can see it through.

Coffee, or tea

I failed to remember since when and from where did I have the perception that coffee is gorgeous but milk tea is not. Perhaps because coffee costs more, (you can find it in our canteen that coffee costs $9 and milk tea only $7.)

As a coffee lover, I should under no circumstances appreciate milk tea. This concept remains until I tried my first cup of tea. That was the one I bought from canteen last year during a lecture break. That day, the coffee machine went out of order, and it was so warm and sweet during winter time that I could have a cup of hot drink. Though I accepted it, but still, I couldn’t figure out the reason why people love it so much. So since then I’ve had my second cup and so on, (only during lecture break, or else I would still go for coffee,)

And today, I had another cup in the interpretation lecture break. Suddenly I understood the reason behind. Unlike other drinks, it was the bitter sweet that attracts; and its taste is far milder than coffee so people can easily accept and appreciate.

Should I behave sweeter and milder like tea that more people would accept, or should I remain the coffee style that only attract “coffee lovers”? Or how about act like latte, is latte still coffee?

我們曾經有過的夢想

以下對話未經 grammar 修改~ 以保留原意

1) 幫個form 5 女仔補習~

我: i've just finished my ielts today~ let me ask you the questions i've been asked today~ first~ how long do you spend on TV?
cherry: 30 mins/day
我: what kind of TV programmes do you usually watch?
cherry: News
我: 真架?
cherry: 唔係呀~ 但考試唔係應該咁答ga 咩? 要乖ga ma!!
我: ... ...

2) 大概幾個月前~ P6 ge 學生英文書教緊 career (我而家已經升呢冇教小學 -.-)

我: what do you want to be when you grow up?
雯雯: i want to do waiter
我: should be "be a waitress"... but why?
雯雯: because i want meet different people!!
我: "can meet"... u really do or you simply copy the lines from your book?
雯雯: book
我: so tell me your OWN dream pls
雯雯: um... mum said that if i go to sec. school interview.. i need say "i want to be a teacher"... but i surely want do atheletes... but no money if i do this.
我: ... ...

**

then i asked myself what do i expect from myself when i have to step in the society

i better hunt a stable job with stable income...
teacher for example...
with my relative education in languages...
yea, im planning to do an education diploma...
with cgpa 3.5/4.0, i can surely get a firm offer right?

and as long as i have money in my pocket i better say nothing abt the government coz it would change nothing by doing so

i should change things i cant accept and accept those i cant change...
if i cant change... (cant understand) the SAR government
try my best to marry one with UK/US passport

yes
these are all i can do after my graduation

**

but what was my OWN dream?

that was,
be a journalist and dreaming that i CAN change the society

would it be a dream forever...
i mean... even if i can accept the low paid and long working hours
and even if i have a rich husband to support me being a journlist

am i able to change a thing?

**

we did have dreams
the high-profile dreams...

you, too, my dear post 50s 60s 70s ...
have you forgotten yours?

IELTS

聽日考ielts

最驚ge係
起唔到身 -.-""""""

**

原來大學收生最低要求係 tofel 550/600 @@""

唔洗考oral~ 考試費又平過ielts -v-

等我得閒無聊又去試下先 -_-””

DOUBT MY DOUBT

呢一年半以來 背負住讀書唔成ge罪名 銳氣被挫光
高中時期ge所謂性格亦要被重塑
於是我曾經嘗試過用正常人ge思考模式生活

走堂 唱k 買衫
只要我食得好 住得好 嫁得好
所有政治 社會 民生問題一概與我無關

甚至有一段時期我日日推翻自己多年ge理想
諗住讀完語文出來可以做marketing
搵夠錢就去旅遊

但原來我唔得
唔同媒體渲染ge社會議題 依然可以觸動我個心
有時甚至會有眼淚想湧出來ge感覺

或者我前世就係果d最容易被希特勒煽動ge熱血青年

或者我自己讀語文 但卻resist唔到傳媒語文ge威力

又或者我根本就係注定要從事為恐天下不亂ge傳媒工作

Happy New Year

其實比起濕地公園

一月一號　我更想去遊行


不過　親近下大自然都好ge =.=


**


下個SEM時間表出左

add/drop 之後如無意外除左星期四之外全部都係下午先開始上堂

日日都上到六點半~ 之後夜晚又要上法文

我唔想浪費曬d早上

日日訓到11點幾其實好折墮 ga -__-

不如諗下有咩可以做啦

what a merry, merry christmas

劉曉波被判入獄11年 內地異見人士劉曉波的案件今天宣判，劉曉波被判入獄11年，剝奪政治權利2年。

你地估下香港人關心崔建邦多d定劉曉波多d?

the secret

before

after

**

其實~ 我都幾易滿足 =v=

搵食艱難

響 bestain 個 blog 見到佢話d中學生食得起 $40 ge飯
我就諗起昌少尋日講果句: 佢地(d中學生)食得起 $40 ge lunch但係冇錢比會費!! ($10/m)

我即時有幾個隨想:

1) 乜而家通漲咁勁咩?
2) 我中學果時從未試過返學食 $40 ge lunch
3) hall canteen d飯真係好平
4) 而家d細路真係幸福
5) 每個週末我同細佬叫外賣時佢諗都唔諗就叫全張紙最貴果樣...我埋單
6) 搵食艱難
7) 我仲未食 lunch

不求甚解

法文
不求甚解　但求升呢

phonetics　translation　中文
不求甚解　但求攞A

讀 language 讀到好似我咁
不如唔好讀啦

認真

從未試過如此認真地去做一件事

八個小時沒有離開過座位 (影印reference除外)
一口氣讀了十多本書和期刊

然後
我終於把那篇中文學術論文寫好了

一個人　
寫五個人的份量 ...

但當我看到anthony師兄說自己要寫上一萬字
也就覺得我所做的　很平常


再想想
這種認真的態度
不是很正確　很應份嗎?

只是我以往　太懶罷了

這樣的一個結局

這樣的一個女子，這樣的一個結局
── 論 <<像我這樣的一個女子>> 結局之作用、舖排及其可讀性


1. 引言

2. 結局所起之作用
　－ 突顯主題

3. 結局之舖排
　－ 故事情節所留下的伏線

4. 結局之可讀性
　－ 最好的結局
　－ 讀者領略

5. 總結

6. 附件
　－ 參考書目
　－ 參考結局

比陌生更陌生

兩個曾經相愛的人
分開以後　兜轉經年
又再在同一個圈子重遇
卻比陌生更陌生

兩個陌生人在共同朋友面前
出於禮貌　都會與對方打個招呼

但我們卻因愛不遂
連這點基本的禮貌也失去

昨晚離開校園時
又再與他迎面相遇
我想　要是我主動跟他say hi
他會有甚麼反應
是錯愕　還是高興

畢竟　事隔三年
也再沒有甚麼不可放下

但最後
我還是快步地走了

快得連Dennis也被迅速略過 :'(

How would you answer these questions?

1. Where did we met?

2. How long have we known each other?

3. When was the last time we communicated?

4. What's your first impression over me?

5. Frankly, do you like me?

6. Choose 5 words that describe me the most.

7. Tell me 1 of my strengths.

8. Then, tell me 1 of my weaknesses.

9. Where do you think I will be in 10 years?

10. What is the most memorable moment that spent with me, you can never forget?

不學無術

尋日踩完單車去打邊爐途中同呀謙 (90年ge中文系小朋友) 講西西散文
佢教我留意現代散文入面角色同事情ge象徵意義

我冇讀過文學
如果佢唔點一點我　我真係唔識咁諗
可能我會諗到類似ge野　但唔會好似佢地咁中point


不學無術
就係指我呢種


**


玩左成日~
臨尾先知pansy同我係小學同學
相認果一刻超級興奮

佢唔講我都唔記得
原來以前小息完左一打鐘之後
成校人係要好似玩狐狸先生咁唔準郁 -.-

細個真係好正

老

係小新個blog見到話黃希賢老師平日要用拐杖...
雖然我冇親眼見到
但個心 "拿" 左一下

佢教我果時　好 "活潑"

只不過三年
就是因為歲月會在人身上留下痕跡
人　才有存在感　才知道自己活著


突然　很怕老

讀書啦

好後悔細個唔讀好d書 ...

讀得書少
寧願少講廢話等人地懷疑我才疏學淺
都唔好講一堆廢話等人地證實我見識淺薄







**

物以類聚　人以群分

脂肪 =.=

我發現左一樣好令人興奮ge野 -.-

就係我兩邊小腿果舊陳年硬脂肪而家變到 "林bei bei" ...
準備比我打散~

wakakaka
我都話架啦~
做運動減肥先係王道~ haha


仲有仲有
尋日 hall canteen 竟然免費派蕉...
太健康 -.-
我食左麥皮蒸肉餅...

我戒左朱古力之後~
而家有排dove放左係我檯面成兩個星期
我都冇諗過要拆開佢

睇來我如果下定決心戒埋薯片
我真係會好健康 -_-

沒有甚麼是永恆的

上一篇說　
有些東西是永恆的


但有時候
我會相信一切有盡頭
沒有甚麼可以永垂不朽 ...


不過　
永恆與否其實並沒有我們想像得如此重要
即使緣份沒有盡頭　生命還是有盡頭
在有生之年　在緣盡之前
好好珍惜　不是已經足夠麼?



由方大同重新演繹王菲的 <紅豆>


還沒好好的感受　雪花綻放的氣候
我們一起顫抖　會更明白　什麽是溫柔
還沒跟你牽著手　走過荒蕪的沙丘
可能從此以後　學會珍惜　天長和地久

有時候　有時候
我會相信一切有盡頭
相聚離開　都有時候
沒有什麽會永垂不朽

可是我　有時候
寧願選擇留戀不放手
等到風景都看透
也許你會陪我看細水長流

還沒為你把紅豆　熬成纏綿的傷口
然後一起分享　會更明白　相思的哀愁
還沒好好的感受　醒著親吻的溫柔
可能在我左右　你才追求　孤獨的自由

有時候　有時候
我會相信一切有盡頭
相聚離開　都有時候
沒有什麽會永垂不朽

可是我　有時候
寧願選擇留戀不放手
等到風景都看透　
也許你會陪我看細水長流

有些東西是永恆的

不知道大家還記不記得
很久以前有一個鑽石廣告是這樣說的

鑽石恆久遠　一顆永留存

鑽石是否永恆 - 我不知道
我只知道 - 當萬物鉛華盡洗時　只有時間恆久不變

*

上次丟了電話　我第二天就買回一台新的

今天在屯門舒適堡弄丟了我的手錶
我想應該是我不小心把它遺留在儲物櫃裏
當我走回頭時　儲物櫃已經有人使用了
我只好留下一張 memo ...
妄想下一手的儲物櫃使用者能夠拾到並交回接待處

當我想到上次丟了電話給人拾到後拔電話卡的情況
想到現在誰還會這麼笨拾"金"不昧...
(雖然那隻手錶並不貴重.. 但我永遠也再買不回 82/1000 的多啦A夢機械錶)
就 哭 得 很 厲 害 . . .
我甚至對自己說 - 以後都不戴手錶了

但幸運地　
下一手的儲物櫃使用者真的拾回了我的錶　並交回接待處

the watch itself is not expensive
but it contains lots of treasurable memories of mine
i was really happy when i get it back

很開心

*

原來　失而復得的感覺
是這麼的教人興奮


我想　
如果那隻是 agnes b 或 rolex ...
我會不會這麼幸運... ?


我想信　有些東西是永恆的

我相信　有些東西是永恆的


*


Gary 生日快樂

提醒

謙虛．慎言．少八掛



直腸直肚直心眼如我　
要做齊以上三點恐怕比爆 4.0 更難 -.-

名份

首先

恭喜楊千嬅 !!! 希望丁子高錫佢一世 -_-
雖然佢望落好花心 + 冇乜錢 + 細過千嬅
但如果佢係真心錫千嬅就冇問題啦~
睇到佢求左婚三次 ge 報導就對佢接受多左一 dd



跟住

祝黎明同樂基兒白頭到老
雖然我好同情舒琪 - 但我覺得樂基兒同黎明襯d~




至於劉德華

其實唔認拍拖結婚絕對係私人決定 - 完全冇問題
不過佢之前公開招女朋友 - 就黑人憎左少少


**


我覺得
就算我地唔係公眾人物
感情呢d私人事

都係要穩定左　
先可以帶得出街　帶得返屋企

唔似得以前讀中學
一開始就急不及待公告天下 ...

log in french

應該有錯 -.-
識french ge朋友幫手改改佢

Hier, j'étais allé à la SFAA avec mes parents le matin et je n'ai pas aimé le déjeuner beaucoup.

Puis, je suis allé à l'hôpital pour trouver mon ami,
(je ne visite pas souvent les hôpitaux)
et nous avons regardé le film - orphelin,
Il n'a pas été aussi bonnes que prévu et très violent.

Dans la soirée, je suis allé à l'église de Hallie,
heureusement que l'ambiance était bonne
et que personne ne me demande de croire en Dieu.

Nous sommes allés à yum cha après le rassemblement église.
Ce fut une journée bien remplie, mais merveilleux.

上癮

我個人對校園驗毒計劃有所保留
畢竟　身體係私人的


但係我覺得奇怪ge係
點解政府d宣傳片可以拍得出吸毒者吸毒後ge果種 view?

我當你明白果種感受~ 但係第一身望出世界ge果種境況
導演同攝影師 suppose 係冇吸過毒~ 應該唔知先係...
咁佢又點知吸完會有佢地拍ge果種 view呢 = =


我諗起 "子非魚" 呢個故事 -.-


**


有好多野上癮都有害

但係如果運動上癮
就會達到一種 runner's high ge境界

我成功達到左果種境界~
即係本來suppose自己去到某個時間會get tired
但係捱過左之後　就會想繼續落去~ 唔想停

我諗
除左有唔小心整傷 ge 風險之外
應該安全過 take drugs掛 ?


都係減壓 je

港產片之二

呢期睇左好多港產片 -- 我以前係唔會睇ge


話說上次睇果套 <<殺人犯>>
天王演技麻麻　但係個劇本ok
但原來聽人講係抄 <<孤疑>> ge ..



跟住輪到 mcdull ...
今次呢套好鬼死悶 -.-


今日睇左竊聽風雲
竟然好好睇
超出我對港產片ge期望

恐怖日

我今日搭巴士返屋企果時遇到個好恐怖ge人

隔離個中年男人學葉wing c 做指揮
一時又好似obama咁擺pose
跟住又寫下字

我開頭以為佢練 presentation la

點知佢突然將隻錶癡住自己隻眼
另一隻手係咁 dup 大比

仲要佢個腦係唔可以同時有兩個function = =
佢聽電話果時好正常
收左線之後無啦啦同我講：頭先講電話落唔到車添

嚇死我= =


**


之後仲有件更恐怖ge事

我去超市買薯片la話說

咁我生平最驚就係蟑螂
見到佢地我會垂直跳高3米

咁當我一拎起包薯片有隻半個拳頭咁大隻ge甲x 以極速lan左出來

咁我梗係第一時間尖叫加逃走啦

跟住我見到個女職員gam生整到佢半生死之後
徒手 --------- 係徒手
拎起隻野ge觸so 係度fing下fing下...........................................................

巴士迷思

我一向都鐘意搭巴士
除左因為唔洗轉車之外
仲因為可以有好多時間比我諗下野　清醒一下頭腦



但係而家西鐵直到紅磡
仲要學生平一半
所以我應該多數都係會搭西鐵返學了~


**


其實入境處同ICAC都唔錯
法庭傳譯就更好

真係咁鐘意做記者ge就最好去政府新聞處 ...


以上係眾人比我 ge 忠告 =.=

我真係會慎重考慮

Zip

Two years has passed and I suddenly realize one thing:
at times truth is no good to anyone else, I should zip.


We definitely need self-censorship unless we don't want friends.
And I handled the matter too wrongly two years ago that I can only regret.








Now I understand the price of truth, am I still going to be a journalist? I wonder.


**


3 years ago today was our big day, admit it or not, we are no longer 18.

happy birthday

尋日歐家南生日快樂 =33=

i love you soooooo much!!!





八月勁多 fd 生日囉咩事 -.-



**



我只係兩三日冇update facebook/blog /msn

個個都話我好似消失左咁 = =


internet 威力真係大

我都想

真係消失幾日

Zoe cafe + 港產片

尋日去左陳豪咖啡書介紹果間 Zoe cafe
響銅鑼灣後街

鋪面幾靚
叫左 latte 同 zoe (招牌 cake)
杯 latte 太濃太苦... -.-
件 cake 幾好

走果時一開門迎面撞到 chilam
但係我唔知係佢 -.- 朋友同我講我先知

之後睇殺人犯...

個 story line其實幾 ok
不過天王做戲真係麻麻
搞到原本應該係懸疑片~ 但係全場爆笑~
仲要有好幾個笑位 -.-
同埋套戲好低成本製作 & 有好多場景係 disconnect

我從來都唔會主動 suggest 港產片...
呢套都係因為故事concept正先想睇
但係對港產片真係唔應該有期望 -.-

書

細佬買左傅穎本書
我睇完　覺得幾ok　
至少好過 stephy 果 109個錯字 -.-


至於陳豪本咖啡書
係介紹唔同咖啡店ge特色
至少冇賣 McCafe...
不過好唔好飲就要試過先知


不過嘛~
呢兩本書唔係好抵買~

2個鐘都唔洗就睇曬兩本 -.-

書展之二

尋晚去左書展

買左一本自助旅行書
一本英文練習 (比學生做果d)
仲有陳豪 ge 咖啡書

買果時覺得好抵~ 因為 total平左八十蚊
不過原來扣除門票同車錢之後係冇抵到 = =


我原本想買林夕果本人情世故
不過我記得歐家南好似有~ 就唔買 -.-

陳豪本咖啡書有學生證有七五折
仲送一杯捷榮咖啡~ (專門店果d...未試過~ 搵日去poly順路試埋)
本書超靚 ...
我決定睇完本書先決定討唔討厭佢 =.=

天氣不似預期

尋晚
三間房一個廳加埋廚房廁所 一共 6對窗同時zum水
得我一個響屋企

d水搞到屋企好似水浸咁
我搬唔到個電視櫃

勁驚後面d電線溼得滯會爆炸

我唯有用曬屋企ge毛巾同報紙塞住曬所有zum到水ge地方
點知都係濕到個地下
我維有一路拖拖拖 -.-
整到凌晨5點先好返少少~
諗住要等到下午轉 3 號風球穩定d先執返好d野
點知 7 點前已經變3號

我係咪應該開心 = =??



不過政府 d 樓真係 ..... -.-
同埋點解我屋企人明知九號波都要離開香港...


好彩冇事

品味咖啡

無線早兩個月 22:30 有輯 "品味咖啡"
陳豪做主持　嚐盡世間最好ge咖啡


原本我對陳豪冇乜好感　亦冇乜反感
睇呢輯特輯時亦只係覺得佢講意大利文好搞笑


但係當我前兩日見到佢幫 McCafe 賣廣告
即刻唔鐘意佢


即係如果佢係一個普通藝人
我覺得冇問題~ 都係搵食je~


但任何一個對咖啡有品味ge人
-- 佢響品味咖啡sell到自己係一個咖啡達人咁~
(唔好講到品味咁高尚~ 就算只係有少少要求都好)
都應該會憑良心拒絕 sell McCafe囉 -.-


我從來未試過響空肚ge情況下飲唔曬一杯咖啡
-- McCafe係第一間


佢簡直係侮辱緊 d 咖啡同埋欺騙左廣大市民 -.-

缺奶

如果我會抽煙

點的是煙　吸的是煩惱　吐的是怨氣

然後

也許　煩惱能跟隨煙圈飄呀飄的

便消失於空氣中



可惜我不抽煙
也不太愛喝酒


高興　泡咖啡
不高興　也只懂泡咖啡


可是　今天晚上家裡沒有奶

泡不成

Quote

From Mondy：

曾經有人說平行線最可怕，因為它們永無交集
可是我認為最可怕的卻是 相交線——
明明他們有過交集
卻總會在以後某個時刻相互遠離而且 越走越遠...

─from dragon.


**


我記得中六時曾經補過 Ken Chan -
冇錯~ 係physics... = =
果時佢教緊 wave ...

話兩條wave迎面撞過之後~
會產生 xxxx (我唔記得左個名 -.- 你地話返比我知)

意思即係會有高潮之類咁啦... 即係個 wavelength 定唔知咩會高左 -.-
(拿~ 抵我 drop physics... 連名都唔記得)

但係相遇過之後就會變返平靜~
大家各自向相返方向繼續行~ 互不影響


果時聽完之後好有感觸
就好似 mondy 個 quote 一樣




命運暫且的交錯
在最後　都化作烏有
但那刻曾實在華麗地邂逅


早發生過　不阻你繼續走

失眠

尋晚 (即係今朝) 清晨六點先訓得著
之後唱左成個下晝k

搭車果時訓到死左
但係返到來又訓唔著 -.-


咩事


**

今日冇點到人來人往 ...
但有我 ge 第二最愛 - 假如讓我說下去





楊千嬅係咪已經退左休 -.-

冇癮

今日去做 gym
原來一路睇書一路踩單車機時間過得好快

起初做 gym 係為左想減肥同埋操 fit d第時可以做記者
但係不知不覺間我竟然鐘意左做運動 ...

而家我做兩個鐘 gym 都唔會覺得辛苦~ 哈哈
(可能你地覺得兩個鐘好正常... = = 但係我係之前果21年都冇郁過ge生物)
同埋做完運動之後焗桑拿係一件非常 relaxing ge事 =v=


有人話去做 gym 係曬錢同曬氣
因為好容易可以做到戶外運動~ 同埋會平d


但其實 $500 半年
人地買兩對鞋都唔止呢個價啦


咁當然我一d都唔抗拒戶外運動
有朋友約我通常都會出席



**



點解一定要所有人 ge 生活方式都同你一樣
而人地有唔同 ge 方式就係錯?

原因

同六四唔同

七一每個人上街都有唔同GE訴求


我冇攞其他標語　

淨係攞左 "撐港台"


我冇叫 "曾蔭權仆街" 同 "民建聯最無恥"

我大叫 "CC TVB" 同 "審查新聞"

七．一

講真
大熱天時中午時份遊行
自殺咩 ...



我個fd叫我戴電單車個頭蓋去 = =
笑到癡左線

訪問時~
問：你點解戴頭盔~ 係咪怕俾人打
答：唔係。。 係怕曬黑